Mańǵystaý oblysynda teńiz akvasharýashylyǵy salasynyń jańa kezeńi bastaldy. Qaraqııa aýdany aýmaǵynda júzege asyrylyp jatqan «Organic fish» JShS-niń teńiz fermerligi jobasy aıasynda Kaspıı teńizine albyrt tuqymdas balyqtyń alǵashqy partııasy – salmaǵy 200 gramm bolatyn 2 000 kg (9 890 dana) shabaq jiberildi, dep habarlaıdy Egemen.kz.
Mańǵystaý oblystyq balyq sharýashylyǵy basqarmasynyń málimetinshe, joba teńiz akvatorııasynda jylyna 5 000 tonnaǵa deıin taýarly balyq ósirýge baǵyttalǵan. 2025 jyly teńiz ýchaskesine dıametri 120 metrden asatyn úsh teńiz tor qorshamasy ornatyldy. Bul qurylǵylar teńiz jaǵdaıynda balyq ósirýge arnalǵan zamanaýı tehnologııalyq júıelermen jabdyqtalǵan.
– 2026 jyly alǵashqy 300 tonna taýarly ónim alý josparlanyp otyr. 2028 jylǵa qaraı óndiris kólemin jylyna 5 000 tonnaǵa deıin arttyrý kózdelýde. Bul – Kaspıı teńizindegi teńiz fermerligi boıynsha Qazaqstan men Ortalyq Azııadaǵy alǵashqy iri joba. «Organic fish» JShS-niń tájirıbesi óńirdegi balyq sharýashylyǵynyń damýynda jańa kezeńdi ashady, – dedi basqarma ókilderi.
Mańǵystaý oblysy