«Manchester Sıtı» fýtbol komandasynyń bas bapkeri Hosep Gvardıola О́zbekstan quramasynyń qorǵaýshysy Abdýkodır Hýsanov týraly pikirin bildirip, fýtbolshynyń sońǵy aılarda qarqyndy ósip kele jatqanyn aıtty. Katalondyq maman jas qorǵaýshynyń turaqty ári senimdi oıynyna rıza ekenin jasyrmady, dep jazady Egemen.kz.
Bas bapker qorǵaýshynyń qyrkúıekte «Arsenalǵa» qarsy matchta alǵan jaraqatynan keıin bir aı boıy oıynnan tys qalǵan kezeńine de toqtaldy. Onyń aıtýynsha, dál osyndaı sátter fýtbolshynyń minezin aıqyndaıdy.
«Arsenalmen oıynnan keıin bir aı ótti, ol bir mınýt ta alańǵa shyqpady. Uzaq aı. Sol kezde onyń jattyǵýda, kıim aýystyratyn bólmede ózin qalaı ustaǵanyn elestetińiz. Hýsanovty anyqtaıtyn da osy. Qıyn kezeńde oıynshynyń komanda úshin qalaı áreket etetini onyń bolmysyn kórsetedi», dedi Gvardıola.
Katalondyq maman ózbek fýtbolshysynyń joǵary kásibıligin de atap ótti:
«Ol Fransııada birneshe aı oınap, birden Premer-lıgaǵa, «Manchester Sıtıge» keldi. Bul ońaı aýysym emes. Biraq ol tyńdaıdy, úırenedi, eń bastysy, onyń qabileti erekshe. Sondyqtan «Manchester Sıtıde» uzaq jyldar oınaıtyn joǵary deńgeıli qorǵaýshy bar», dep túıindedi bapker.
Aǵylshyn prımer lıgasynyń 22-týry aıasynda «Manchester Iýnaıtedten» 0:2 esebimen jeńilgen sońǵy oıynda da Hýsanov komandadaǵy eń senimdi fýtbolshylardyń biri atandy. Qorǵaýshy qorǵanysta nyq qımyldap, qarsylastyń birneshe jyldam shabýylyn toqtatty, osylaısha bapkerlik shtabtyń senimin aqtady.
«Real» Holandqa kóz tigip otyr: Klýb prezıdenti «Manchester Sıtı» juldyzyn qatarǵa qosýdy qalaıdy
Abdýkodır Hýsanov «Manchester Sıtıge» 2025 jyldyń qańtarynda fransýzdyń «Lans» klýbynan 40 mln eýroǵa aýysyp, О́zbekstan tarıhyndaǵy eń qymbat fýtbolshy atanǵan edi. Qazirgi maýsymda 21 jastaǵy qorǵaýshy barlyq týrnırde 14 match ótkizip, Pep Gvardıolanyń negizgi quramyndaǵy ornyn birtindep nyǵaıtyp keledi.
«Qaırat» óz alańynda «Brıýggeni» qabyldaıdy