74 jastaǵy Karım Sháripov «Speak Up Atyrau» jobasyna qatysyp, birneshe aıdyń ishinde qazaq tilinde turmystyq deńgeıde erkin sóıleı bastaǵanyn aıtady, dep habarlaıdy Egemen.kz.
Ol búginde túrli jastaǵy eresektermen birge bilim alyp júr. Aqsaqaldyń aıtýynsha, keńestik kezeńde qazaq tilin úırenýge múmkindik bolmaǵan. Sol olqylyqtyń ornyn qazir toltyryp, kúndelikti ómirde qazaqsha sóıleýge den qoıǵan.
«Bul – meniń elimniń tili, ony bilý – meniń paryzym», deıdi K. Sháripov.
Atyrau Today málimetinshe, «Speak Up Atyrau» jobasy demeýshilerdiń qoldaýymen júzege asyrylyp keledi. Bastama óńir turǵyndaryna memlekettik tildi meńgerýge múmkindik berip, birtutas tildik orta qalyptastyrýǵa yqpal etip otyr.
Túrkııanyń tanymal professory qazaq tilin úırenip júr