ASTANA. 5 naýryz. Reseı prezıdenti Vladımır Pýtın sársenbi, 4 naýryz kúni ótken ishki ister mınıstrliginiń alqasynda sóılegen sózinde kúsh qurylymdarynan «Reseıdi masqara men tragedııadan qutqarýdy» talap etti. Bul týraly Interfax habarlady.
Reseı lıderi muny Borıs Nemsovtyń «arsyzdyqpen óltirilgenine» baılanystyra aıtty.
«Aqyr sońynda Reseıdi biz jaqynda ǵana bastan keshken jáne kórgen masaqara men tragedııadan qutqarý kerek: men munda astananyń qaq ortasynda Borıs Nemsovtyń óltirilýin eske alyp, aıtyp otyrmyn», - dep málimdedi Pýtın.
Reseı prezıdenti sondaı-aq ekstremısterdiń Reseıdegi qımyl-áreketteri «barǵan saıyn arsyz bolyp bara jatqanyn» atap kórsetti. Pýtınniń aıtýynsha, olar munda «túrli-tústi tehnologııa dep atalatyn – kóshelerde zańsyz aksııalar uıymdastyrýdan bastap, áleýmettik jelilerde ashyqtan-ashyq jaýlyq pen jek kórýshilikti nasıhattaýǵa deıingi» áreketterdi paıdalanyp qalýǵa umtylady. Pýtınniń pikirinshe, «olardyń maqsattary azamattyq qaqtyǵystarǵa jol ashyp, bizdiń memleketimizdiń konstıtýsııalyq negizderine, onyń egemendigine soqqy berý bolyp tabylady».
Nemsovty óltirý versııalary arasynda «Reseıdegi saıası ahýaldyń turaqtylyǵyn buzý» da bar.
Murat Aıtqoja.
Derek, sýret: Interfax.