QARAǴANDY. 5 naýryz. Temirtaý qalalyq sotynyń sheshimi boıynsha «Arselor Mıttal» kompanııasynyń bas dırektory Vıdjaı Mahadevan ákimshilik jazaǵa tartyldy. Bul týraly bnews.kz habarlady.
Endi ákimshilik jaza negizinde jumyskerderdiń jalaqysyn zańsyz qysqartpaq bolǵan basshy Úkimetke 600 myń teńge aıyppul tóleýi tıis.
Aıta keteıik, qańtarda kompanııanyń bas dırektory V.Mahadevan jumysshylardyń jalaqysyn 25 paıyzǵa qysqartatyny týraly buıryq shyǵarǵan edi. Ol qarjylyq qıyndyqqa tap bolǵanyn jáne memleketten alatyn 12 mıllıard teńgege qol jetpeı jatqanyn aıtyp aqtaldy.
Alaıda, prokýratýra tekserisinen keıin buıryqtyń zańsyz shyqqany anyqtaldy. Keıin memleket qaryzyn qaıtaryp, kompanııa jalaqyny túgel taratyp berdi. Soǵan qaramastan zańsyz buıryq shyǵarǵany úshin bas dırektor ákimshilik jazaǵa tartyldy. Endi aıyppuldyń barlyq kólemin Mahadevan óz qaltasynan tóleýi tıis.
Aıqyn Nesipbaı.
Derek: bnews.kz.
Sýret: timeskz.kz.