ASTANA. 5 naýryz. Búkilálemdik boks serııasynda (WSB) el namysyn qorǵaıtyn «Astana arlandary» kelesi jekpe-jekterin «Caciques Venezuela» komandasyna qarsy ótkizedi. Búgin osy aıqasqa qatysatyn «arlandardyń» esimderi belgili boldy. Bul týraly egemen.kz habarlady.
Jattyqtyrýshylardyń sheshimi boıynsha aldaǵy synda «Astana arlandarynyń» namysyn Oljas Sáttibaev (52 kılo), Zákir Safıýllın (60 kılo), Aslanbek Shymbergenov (69 kılo), Hrvoe Sep (81 kılo) jáne asa aýyr salmaqta (+91 kılo) Fılıpp Hrgovıch qorǵaıdy.
Qos komanda arasyndaǵy tartys 7 naýryz kúni Venesýela astanasy Karakas qalasynda ótedi. Osyǵan deıin jeti jekpe-jek ótkizip, barlyǵynda jeńiske jetken «arlandar» 21 upaımen WSB jobasynyń V tobynda kósh bastap tur. О́z kezeginde venesýelalyqtar jeti jekpe-jekten 10 upaı jıyp 6-orynǵa taban tiregen.
Bıylǵy maýsymnyń alǵashqy aınalymynda qarsylastar Astanada synǵa túsip, «arlandar» 5:0 esebimen ońaı jeńiske jetken edi. Ol kezde bizdiń komanda sapynda Mardan Berikbaev (49 kılo), Meıirbolat Toıtov (56 kılo), Samat Bashenov (64 kılo), Meıirim Nursultanov (75 kılo) jáne Vasılıı Levıt (91 kılo) bokstasty. Atalǵan aıqas eki komanda úshin maýsymashar jekpe-jek bolǵanyn aıta keteıik.
Elaman Qońyr.
Derek: egemen.kz.
Sýret: worldseriesboxing.com.