Atyraýda 20 myń adam jappaı júgirýge qatysty
Atyraýda Qazaqstan halqy Assambleıasynyń 20 jyldyǵyna oraı 20 myń adam jappaı sporttyq júgirýden ótken marafonǵa qatysty. Sporttyq júgirýdiń araqashyqtyǵy – 2 shaqyrym 950 metr.
Atyraý qalasyndaǵy marafonǵa 6 myńǵa jýyq adam qatysyp, Saltanat saraıynan Isataı-Mahambet eskertkishi alańyna deıingi aralyqty júgirip ótti. Batyrlar eskertkishi aldynda oblys ákiminiń orynbasary Sálimjan Naqpaev júgirýshilerdiń arasynan eń jas qatysýshy –№15 orta mekteptiń 3-synyp oqýshysy Altynbek Ánýarbek pen eń eresek jastaǵy qatysýshy – H.Dosmuhamedov atyndaǵy Atyraý memlekettik ýnıversıtetiniń 73 jastaǵy oqytýshysy Jaqsylyq Rashbaevty, sonymen birge, eń belsendi qatysýshylar – oblystyq tótenshe jaǵdaılar departamenti basshysynyń orynbasary Sálimǵalı Salyqbaev pen Ádilbek О́teev arnaıy dıplommen marapattaldy.
Ult batyrlary atyndaǵy alańda ár etnostyń ókilderiniń qolynan shyqqan ásem buıymdar men taǵamdardyń kórmesi de ótti. Buǵan qosa «Thonıl», «Álııa», «Dovıra» sekildi etnomádenı birlestikter ókilderi óz etnostarynyń tarıhı derekterin kórsetti. Bul kúni jappaı sporttyq júgirý marafony jeti aýdan ortalyǵynda da ótti. Oǵan ár aýdannan 2 myńnan, barlyǵy 14 myń turǵyn qatysty.
Joldasbek ShО́PEǴUL,
«Egemen Qazaqstan».
Atyraý oblysy.
Sýretti túsirgen
Rahym QOILYBAEV.