Shýche qalasyndaǵy «Kazbeef LTD» jaýapkershiligi shekteýli seriktestiginiń zamanaýı et kombınaty Reseıge mármár et jetkizý isin tabysty jalǵastyrýda. Bul jerde táýligine 35 bas Gereford jáne Angýs asyltuqymdy sıyrlary qasaphanadan ótedi. Joǵary sapaly ónim vakýmdyq qaptamada, eýropalyq standart boıynsha tereńdetilgen ádispen óńdeledi.
Kásiporyn ótken jyly kórshiles elge 224 myń tonna ónimdi eksporttady. Sondaı-aq, mármár etke Astana jáne Almaty qalalarynda da suranys joǵary. Osyǵan baılanysty et kombınaty bıyl 1800 tonna mármár et óńdeýdi josparlap otyr.
Jalpy, «Kazbeef LTD» kompanııasy 2010 jyldan beri ettik baǵyttaǵy Angýs jáne Gereford asyltuqymdy malyn ósirýmen aınalysyp keledi. Kompanııa osydan 4 jyl buryn AQSh-tan 2000 bas asyltuqymdy mal ákelgen bolatyn. Búginde bordaqylaý alańyndaǵy iri qaranyń sany 12 myńǵa jetip otyr. Sondaı-aq, «Kazbeef LTD» seriktestiginiń Aqmola oblysynyń Zerendi (Pýhalsk) jáne Eńbekshilder (Mamaı) aýdandarynda mamandandyrylǵan eki sharýashylyǵy bar. Bul bolashaqqa bıik josparlar qurýǵa múmkindik beredi.
Baqbergen AMALBEK,
«Egemen Qazaqstan».
Aqmola oblysy,
Býrabaı aýdany.