AQTAÝ. 6 naýryz. Aqtaýda sot salasynyń qyzmetkerleri maıdanger analardy 8 naýryz merekesine oraı quttyqtady. Bul týraly egemen.kz tilshisi habarlady.
Aqtaý qalalyq sotynyń qyzmetkerleri Jeńistiń 70 jyldyǵy merekesi qarsańynda ekinshi dúnıejúzilik soǵysqa qatysqan, búginde kózi tiri qos keıýananyń úılerine bas suǵyp, olardy 8 naýryz halyqaralyq qyz-kelinshekter kúnimen quttyqtady. Gúl shoqtary men arnaıy syı-sııapattaryn tabystady.
Búginde 91 jastaǵy Qamqa Úmbetalına soǵysqa 1942 jyly attanǵan. 19 jasynda maıdan dalasynan tabylǵan qyz bastan-aıaq Qıyr Shyǵys maıdanyndaǵy 9-shy áýe áskeri quramynda shaıqasty. Bombalaýshy ushaqta jaýdyń nysandaryn qıratyp, jeńistiń jaqyndaýyna úlesin qosqan qazaq qyzy I.Stalınniń Alǵys hatyna ıe bolady. 1945 jyly Japonııaǵa qarsy soǵysqa qatysyp, elge oralǵan Qamqa munaı-gaz salasynda eńbek etti. Qonaqtaryn óńiri orden-medaldarǵa toly jaýyngerlik mýndırmen qarsy alǵan maıdanger áje erlikke, qıyndyqqa toly jastyq shaǵy týraly áńgime shertti.
Al 90 jastaǵy Anna Morozova – jetimder úıiniń tárbıelenýshisi eken. Mektepti bitirgen soń Saratovqa jumysqa jiberilip, avıasııalyq zaýytqa jumysqa ornalasady. Soǵys bastalysymen dárigerlik kýrsqa tapsyryp, sanıtarlyq avıasıalyq drýjınanyń komandıri bolyp, keıin 89 artıllerııalyq dıvızııanyń aǵa sannusqaýshysy bolady da, keıin barlaýshy-parashıýtshi retinde soǵysady. Ýkraına, Rýmynııa jáne Vengrııany azat etýge qatysqan Anna qazir Aqtaý qalasynda turady. Salaýatty ómir saltyn ómirine serik etken ol balalar úıiniń tárbıelenýshilerine kómektesip turady.
Gúlaıym Shyntemirqyzy.
Derek, sýret: egemen.kz.