ASTANA. 11 sáýir. Tegeran qalasynda Qazaqstan men Iran iskerlik keńesi ótti. Bul týraly egemen.kz tilshisi habarlady.
Onyń qorytyndysy boıynsha eki el arasynda shamamen 1 mlrd. AQSh dollary somasyna 50 kelisimge qol qoıyldy.
Iskerlik keńestiń otyrysy Prezıdent Nursultan Nazarbaevtyń Iran Islam Respýblıkasyna sapary aıasynda bolyp ótti. Oǵan Qazaqstan men Irannan 200-den astam kompanııa qatysty.
Otyrystyń qorytyndysy boıynsha eki eldiń bıznesmenderi shamamen $1 mlrd. somasyna yntymaqtastyq týraly 50 kelisimge qol qoıdy.
Sonyń ishinde $304 mln. somasyna 9 qujatqa «Báıterek» holdınginiń toby men onyń áriptesteri qol qoıdy.
Qazaqstandyq-ırandyq iskerlik keńestiń teń tóraǵasy «Báıterek» holdınginiń basqarma tóraǵasy Qýandyq Bıshimbaevtyń aıtýynsha, Qazaqstan men Iran arasyndaǵy ekijaqty qatynastyń belsendi damýyna eki eldiń memleket basshylary úlken ról atqardy.
Dastan Kenjalın.
Derek: egemen.kz
Foto:baiterek.gov.kz
baiterek.gov.kz