eńseli eskertkish ornatylady
Qaraǵandyda ótken qala qurylysy jónindegi keńestiń otyrysynda Chernobyl atom elektr stansasynda bolǵan alapat apattyń 30 jyldyǵyna oraı, jarylys zardaptaryn joıýǵa qatysqan erlerdiń qurmetine oblys ortalyǵynda qoıylatyn sáýlettik-músindik qurylymnyń jobasy talqylandy.
О́tken aqpan aıynda «Chernobyl ardagerleriniń oblystyq odaǵy» qoǵamdyq birlestiginiń músheleri oblys ákiminiń jeke qabyldaýynda bolyp, Chernobyl qaharmandaryna eskertkish ornatý týraly ótinish bildirgen bolatyn.
Bul ótinishti aıaqsyz qaldyrmaǵan óńir basshysy qoǵamdyq birlestik múshelerimen arnaıy kezdesip, otyrys uıymdastyrdy. Basqosý barysynda kún tártibindegi máselege baılanysty apat zardaptaryn joıýǵa qatysýshy, otstavkadaǵy general-maıor Iаnıs Dýda habarlama jasady. Odan keıin sáýlettik-músindik qurylymdar jobalaryn ázirleýshilerdiń aqparattary tyńdalyp, Vladımır Trosenko jáne Igor Bagramov ázirlegen eskertkish jobasynyń eki nusqasy talqyǵa tústi.
Otyrys barysynda keńes músheleri Igor Bagramov jasaǵan eskertkish jobasyn bekitý týraly biraýyzdan sheshim qabyldady.
Keńes qorytyndysynda oblys basshysy Nurmuhambet Ábdibekov Qaraǵandy qalasynyń ákimi Nurlan Áýbákirovke atalǵan eskertkish qurylysynyń jumys barysyn baqylaýǵa alýdy jáne ony apattyń oryn alǵanyna 30 jyl tolatyn bıylǵy ataýly jyly tııanaqtap, memorıaldyń ashylý rásimin Qazaqstan Respýblıkasynyń Konstıtýsııa kúni qarsańyna josparlaýdy tapsyrdy.
Qaırat ÁBILDINOV,
«Egemen Qazaqstan».
QARAǴANDY.