ORAL. 12 sáýir. Batys Qazaqstan oblysynda jalpy somasy 330 mlrd. teńgeni quraıtyn 41 joba júzege asyrylýda. Búgin «Memleket basshysynyń 5 ınstıtýttyq reformasyn júzege asyrý boıynsha 100 naqty qadam» Ult josparyn júzege asyrý máselelerine arnalǵan brıfıngte atalǵan óńirdiń basshysy Altaı Kólginov osylaı dep málim etti. Bul týraly zhaikpress.kz-ke silteme jasaǵan egemen.kz tilshisi habarlady.
«Búgingi kúnniń negizgi mindetteriniń biri jańa óndiris oryndaryn quryp, jumys istep turǵandaryn keńeıtý bolyp otyr. Indýstrııalandyrý kartasy aıasyndaǵy ózektendirilýdi eske alǵanda oblysta somasy 330 mlrd. teńgeni quraıtyn 41 joba júzege asyrylýda. Sondaı-aq, 2242 jumys orny qurylatynyn atap ótken jón», – dedi oblys ákimi.
Altaı Kólginovtiń keltirgen derekterine sáıkes, ındýstrııalandyrýdyń alǵashqy 5 jyldyǵynda 258 mlrd. teńgege 31 ınvestısııalyq joba júzege asyrylyp, 1828 jumys orny qurylǵan. 2015 jyldyń qorytyndysynda ónerkásiptiń jalpy kólemindegi ındýstrııalandyrý kartasy jobalarynyń úlesi 30 paıyzdy, al óńdeý ónerkásibindegi úlesi 14 paıyzdy quraǵan.
Temir Qusaıyn.
Derek: zhaikpress.kz.
Foto: bko.gov.kz.