Pikirler .
Birde áriptes aǵamyz stımýl degen sózdiń túp maǵynasy týraly kim ne biledi dep surap qaldy. Yntalandyrý degen maǵynaǵa saıatyn shyǵar dep edik, sóıtsek ol sózdiń áýelgi maǵynasy yntalandyrýdan góri yzalandyrýǵa kóbirek keledi eken. Latyn tilinen tikeleı aýdarǵanda stimulus degen sóz – mal aıdaıtyn úshkir taıaq, pildi piskilep júrgizetin, ıspandyqtar qyzyǵyp tamashalaıtyn korrıda oıynynda buqany odan saıyn yzalandyryp, shabynan túrtpekteıtin taıaqtyń ataýy bolyp shyqpasy bar ma? Estimegen elde kóp dep bir kúlisip aldyq.
20 Aqpan, 2022
Táýelsizdikti endi alǵan alǵashqy jyldardaǵy saıası áleýmettik ahýaldy jas býyn jaqsy bilmeıdi. Jalpy kez kelgen adam ne nársege bolsyn birjaqty úkim aıtpaǵany durys. Biraq sol kezdegi jaǵdaı týraly búgingi aǵa býyn, zııaly qaýym áldebir sumdyqtardy abaısyzda ózderi aıtyp qalǵanda ne derińdi bilmeı qalasyń.
26 Qazan, 2021
Túneý kúni qym-qýyt tirliktiń qýys-qýysymen, jaýyn-jaýynnyń arasynda jumys ornymyzǵa jaqyn jerdegi kitap dúkenine bas suqtyq. Keıde qaltańda artyq aqshań bolmasa da sol bir jyp-jyly dana da momyn, kemel de keremet mekenge jalqy sát bolsyn jolaı kirip-shyqqyń kelip turady ǵoı. Biz de sol saǵynyshpen, sol ańsarmen aqyldyń asyl qazynasy úıilgen aq zer bólmeniń esigine endik.
13 Qazan, 2021
О́tkende qazaqtyń aıaýly tulǵasy, ult batyry Jumabek Táshenovke elorda tórinde eskertkishi ornatylǵanda muqym qazaq qatty qýandy. Shattanǵan jurt tipti eńseli eskertkishtiń ár detalin ózderinshe sóıletip, tamsana tamashalap, bir-birinen esteri shyǵa súıinshi surasty. Shynynda da, qazaqtyń bes birdeı oblysyn, shuraıly qonysyn jat qolynan arashalap qalǵan arysqa qoıylǵan tuǵyrly músin kádimgideı rýhyńdy oıatady.
26 Tamyz, 2021
Nesin aıtaıyq, osy kúni ınternettiń beti «ımandy bolsyn» degen sózge ıin tiresip tur. Betin ári qylsyn, búgingi mynaý daýasyz dert, aty jaman ajal talaı jaqsymyz ben jaqynymyzdy jalmap ketip jatqan alasapyran ýaqytta sol sózdi estigimiz, kórgimiz kelmeı-aq turady. Biraq sýyq sóz sýmań etip jyldam taraı jóneledi emes pe? Janyńdy yzǵar qaryp ótkendeı, arqańdy qaıǵynyń qara qamshysy osyp túsirgendeı jaısyz habardy oqyp eseńgirep qalasyń...
11 Maýsym, 2021
Búginde áleýmettik jeliden týyndap jatqan álek az emes. Áleýmettik jeli jeli emes, jelim bolyp tur. Jaman ádet jabysqysh keledi emes pe? Batystyń qańsyǵyn balalarymyz tańsyq kóretini sonsha, jyltyraqqa japa-tarmaǵaı jabysa ketedi. Buryn ersi qylyq istegen adam jazalanatyn edi, qazir jarnamalanatyn boldy. Baqsaq, osy kúni haıp dep, prank dep, ar men uıattan emin-erkin attaı beretinderdiń aty ozyp tur eken.
26 Mamyr, 2021
Biz kóbine shyǵarmashylyqta shekara joq dep aıtyp jatamyz. Alaıda qasıetti ónerde máńgilik uly shekara baryn kóbimiz moıyndaǵymyz kelmeıdi. Ol shekara jáne siz ben biz ersili-qarsyly kirip-shyǵyp júre beretin ıesiz esik ıa bolmasa qaraýsyz qaqpa emes, tek jankeshti naǵyz daryn, ómirin ónerge kózsiz qurban etken týma talant ǵana attaı alatyn aıryqsha asý, bıiktigine kez kelgen adamnyń bilim-parasaty jete bermeıtin bólek beles.
11 Naýryz, 2021
Eger siz úlken shelektiń ishine ortasynan toltyryp tiri shaıandardy salyp qoıǵan bolsańyz, jybyrlaǵan jándikter álgi ydystan eshqashan shyǵyp kete almaıtyny qyzyq. Bylaı qarasańyz shamalary bar-aq shaıandar. Tarbıǵan aıaqtaryn bir-birine tirep, baltyrlaryn baspaldaq ete qoısa ydystan ytqyp shyǵardaı-aq áleýetteri jeterlik. Biraq ókinishke qaraı, olar álgi ydystan eshqashan shyǵa almaıdy eken. Nege dep basynda biz de tań qaldyq. Sóıtsek esh qupııasy joq bolyp shyqty. Sol ózimizge jaqsy tanys baıaǵy baqastyq, ómiri bitpeıtin kúndestik, ishtarlyqpen indes kórealmaýshylyq degen kóldeneń kók minezder osy áreketke ábden tosqaýyl bolatyn tárizdi. Beıshara shaıannyń bireýi syrtqa shyqqysy kelip talpynsa, álbette basqalary onyń aıaǵynan tartyp, jarmasyp, jabylyp júrip mindetti túrde qulatyp tynady eken. Iаǵnı men shyqpadym, demek seniń de shyqpaýyń kerek degen jabaıy tirlik.
17 Aqpan, 2021
Mádenıetimizdiń máıegi – sóz. Ony olpy-solpy qoldaný kez kelgen ultqa uıat sanalady. Onyń ishinde uly dala tósin myńdaǵan jyldar boıy meken etken keshegi kóshpeli dala halyqtary sóz mádenıetine erekshe mán berip qaraǵan edi. Tipti, ómir súrý fılosofııasyn sózben tikeleı baılanysty baǵamdaǵan qarǵa tamyrly túrki jurty ústińdegi bózińe emes, aldymen aýzyńdaǵy sózińniń salmaǵyna syn artatyn bolǵan.
11 Qarasha, 2020
Keıde qazaq sóziniń qatpar-qatpar tereńine boılaǵan saıyn tarıhı tanymyńnyń tuǵyry ósip, baǵzyda salyp ketken babalar jolynyń kóne sorabyna qalaı túskenińdi ańǵarmaı da qalasyń. О́kinishke qaraı kóshpeli túrki taıpalarynyń, onyń ishinde qazaq ulysynyń qanshama kóne sózi aınalasy bir ǵasyrdyń ishinde aıaýsyz qysaspen sanadan súrildi. Ulttyń jany til ekenin jaqsy bilgen basqynshylar aldymen qazaqtyń baı sózdigine jymysqy saıasat pen astyrtyn soǵys bastaǵany belgili. Náýbet naýqan tilimizdi eginshe otady. Murnynan tizilgen muralardyń ishinde qazaqtyń tanym-túsinigine, ádet-ǵurpyna, tanym-túsinigine qatysty, jekeleı aıtqanda mezgilderge baılanysty, aı ataýlaryna qatysty qanshama sózderi jadymyzdan joǵaldy. Kóne maǵynalary kóp jaıttarǵa jeteleıtin nebir sózder kúresinge súıreldi.
06 Qarasha, 2020
Sizdiń áldebir otyrystarda nemese kezekti jıyndardyń birinde qaısybir zamandasyńyz týraly nemese qoǵamdaǵy óte ózekti másele tóńireginde eleýsiz ǵana aıta salǵan oıyńyzben ol adamnyń ómirin nemese kún tártibinde kúıip turǵan sol máseleni túbegeıli ózgertip jiberýińiz ǵajap emes. Árıne, máseleniń mánisi oń sheshimin taýyp, álgi beıbaqtyń ǵumyry jaqsy jaǵyna óristep ketse, nur ústine nur ǵoı.
02 Qarasha, 2020
Bizde osy kúni ne jymıǵany, ne jylaǵany belgisiz bir bet-beıneler paıda bolǵan. Bylaısha aıtqanda emosııasy eki betinen eshqashan bilinbeıtin tıpterdi jıi kezdestiremiz. Birte-birte kúlmeıtin kisiler kóbeıip kele jatqandaı. Jalpy, jalpyldap kúle berý jaqsy ádet emes. Qazaq ony «Áıeldiń qary, erkektiń qory kúlegesh» dep kesip aıtyp qoıypty. Degenmen, bizdiń bul kúlkimiz basqa kúlki. Tipti, kúlki deýge kele me? Kúlki degennen góri qoǵamdaǵy, ónerdegi, ádebıettegi, mádenıettegi kóńil kúı degenge kóp kelińkireıtin sııaqty.
13 Qazan, 2020
Biz keıde kóp nárseniń baıybyna barmaı jatyp short kesip, sholaq oılap, shoq basyp jatamyz. Kóziń jetip turǵan dúnıeniń ózine qaıta bir aınalyp kelip qaraýdyń, araǵa ýaqyt salyp aıtar oıyńnyń astaryna taǵy bir márte úńilip kórýdiń eshqashan artyqtyǵy bolǵan emes. Shyndyq úshin shaıqasta, aqıqat úshin arpalysta oıyń ushqary, sóziń ushqalaq bolmaýy úshin de baısaldy baılam aıtatyn baı minez jáne qajet. Muny ult serkesi Álıhan Bókeıhan: «Ultqa qyzmet etý bilimnen emes, minezden» dep bir aýyz sózben tamasha túıindegen.
21 Tamyz, 2020
Bul Uly dala tósinde tórtkúl dúnıege saýyn aıtyp, Alty san Alashtan alaqaılap súıinshi suraıtyn, ultymyzdyń dara kelbeti, uly oıshyly, hakim Abaı rýhyn asqaqtata kórsetetin qaıyrly kún!
10 Tamyz, 2020
Birde qazaq radıosyn qosyp qalyp edik, satıra sardary Kópen aǵa kúldirip áńgimesin aıaqtap jatyr: «Kúle bilý – ómir, kúldire bilý – óner, kúlki bolý – ólim». Dál aıtylǵan dıagnoz dep qaldyq. Kópekeń bul jerde jalpy adamzattyq kúlki týrasynda emes, qazaq áziliniń qazirgi ádebi turǵysynda oı túıindegenine esh kúmánimiz joq. Satırık sózinen ańdaǵanymyzdaı, jymıyp qana kúletin qazaq júzindegi ádemi kúlki búginde bos yrjyńǵa aınalǵan.
06 Tamyz, 2020
Qazaqtyń túıip aıtqan ár sóziniń túbinde qatpar-qatpar qazyna jatady. Uly dalanyń tósinde emin-erkin kóship-qonyp, myńdaǵan jyldar boıy maǵynaly ǵumyr keshken qazaq balasy óziniń júrip ótken ómir jolyn tobyqtaı ǵana sózben túıindep otyrǵan. Sondaı salmaqty sózderdiń biri naǵashy týrasynda aıtylǵan. Naqty naqyldan nebir ulaǵatty oı qorytýǵa bolady.
25 Mamyr, 2020
Qazaqtyń qaıta órleýine balanyp júrgen Elbasynyń «Rýhanı jańǵyrý» baǵdarlamasy ult bolashaǵynyń ustynyn aıqyndap bergendeı boldy. Az ǵana ýaqytta aýqymdy jumystar atqaryldy. Jaqsy ister jalǵasýda.
14 Sáýir, 2020
Ras-ótirigin bir Qudaıdyń ózi biledi, ǵalymdardyń zertteýinshe adam kúnine qolyn betine birneshe myń ret aparady eken. Árıne adamzatty alańdatyp otyrǵan aýyr ahýal kezinde mundaı aqparattardyń túr-túrin siz de oqyp-bilip otyrǵan bolarsyz. Bizdiń aıtpaǵymyz, sol murnyńyz ben kózińizge qaıta-qaıta qatynasyp jatqan qoldyń tazalyǵy jaıly bolǵaly otyr.
08 Sáýir, 2020
Ǵylymnyń basty qural ekenin Álıhan Bókeıhan óziniń «Bilim kúshi» atty maqalasynda keńinen aıtady.
23 Naýryz, 2020
Zaman damyp, nebir tehnologııalar alǵa ozǵan ýaqytta osyndaı iri-iri saýda oshaqtary qashyqtyqtan ashylatyn qaqpalar ornatýyn qarapaıym halyq talap etýimiz kerek dep oılaımyz. Bul birinshiden tazalyqty kúsheıtse, ekinshiden eki qolyna zildeı dorba ilip jóńkilip jatqan jurtqa kóp kómek bolar edi.
22 Naýryz, 2020
