О́tkenniń qasireti júrekten óshpesi anyq. Azattyq úshin arpalysqa túsken uly tulǵalardyń erligi urpaq jadynan alystamaıdy. Oǵan dálel, Ulttyq mýzeıde ótken «Saıası qýǵyn-súrgin qurbandary jáne olardyń mýzeılik qundylyqtary» atty onlaın-dóńgelek ústel máslıhaty.
Is-sharanyń maqsaty – Prezıdent Qasym-Jomart Toqaevtyń «Táýelsizdik bárinen qymbat» atty maqalasynda kórsetilgen mindetterdi júzege asyrý aıasynda, HH ǵasyrdyń 1-shi jartysyndaǵy saıası qýǵyn-súrgin qurbandaryn eske alý, olardyń elimizdiń ár qalasyndaǵy mýzeılerde saqtalǵan qundy zattaryn nasıhattaýǵa atsalysý.
Qazirgi ýaqytta elimizdiń 20-dan astam mýzeıinde saıası qýǵyn-súrgin qurbandarynyń jeke zattary saqtalynǵandyǵy belgili. Olardyń qatarynda Almaty oblysynyń Jańalyq eldi mekenindegi «Saıası qýǵyn-súrgin qurbandary» mýzeıin, Nur-Sultan qalasyndaǵy «S.Seıfýllın mýzeıin», Shymkent qalasyndaǵy «Saıası qýǵyn-súrgin mýzeıin», «M.Tynyshpaev atyndaǵy Almaty oblystyq tarıhı-ólketaný mýzeıin», Jambyl oblysyndaǵy «T.Rysqulov aýdandyq tarıhı-ólketaný mýzeıin», Soltústik Qazaqstan oblysyndaǵy «M.Jumabaevtyń mýzeıin», Qostanaı oblysyndaǵy «A.Baıtursynov pen M.Dýlatovtyń ádebı mýzeıin» jáne t.b. ataýǵa bolady.
Dóńgelek ústel jumysyna tarıhshy Mámbet Qoıgeldıev, Abaı atyndaǵy Qazaq Ulttyq pedagogıkalyq ýnıversıtetiniń «Qazaqstannyń jańa jáne qazirgi tarıhy» kafedranyń professory Ǵarıfolla Ánes, «Arys» qorynyń prezıdenti Erlan Saılaýbaı, L.N.Gýmılev atyndaǵy Eýrazııa Ulttyq ýnıversıteti janyndaǵy «El tarıhy» ǵylymı-zertteý ortalyǵynyń dırektory Gúlmırat Serikbaeva qatysyp, Alash arystary jóninde óz oılaryn ortaǵa saldy.
Máselen, Ǵarıfolla Ánes qýǵyn-súrgin qurbandaryn túgendeý, olardyń naqty sanyn anyqtaý maqsatynda arnaıy onlaın-portal ashý qajettiligin atap ótti.
Sondaı-aq jıynǵa qatysýshylar, Reseı, О́zbekstan jáne t.b. elderde saqtalǵan Alash qaıratkerleriniń jeke zattaryn elge qaıtarý, Nur-Sultan qalasy ákimdigine qarasty «Saıası qýǵyn-súrgin jáne totalıtarızm qurbandarynyń «ALJIR» memorıaldy-mýzeıi keshenine» respýblıkalyq mártebe berý jóninde usynys aıtyldy.
Jıyn sońynda Ulttyq mýzeı dırektorynyń ǵylymı jumystar jónindegi orynbasary Nazgúl Kadrımbetova, aldaǵy ýaqytta saıası qýǵyn-súrgin qurbandaryn este qaldyrý maqsatynda «Qazaqstan mýzeıleri qorlaryndaǵy qazaq halqynyń tanymal tulǵalarynyń biregeı zattary» katalogyn shyǵarý, «Qazaqtyń tanymal tarıhı tulǵalarynyń jádigerleri» kórmesin óńirlik mýzeılermen birlese uıymdastyrý josparlanýda ekenin jetkizdi.
Aıta keteıik, onlaın-dóńgelek ústel ZOOM beınekonferensııa baılanysy arqyly ótkizildi.