Ishki ister organdarynyń ardager qyzmetkerlerine de alǵys aıtyldy, dep habarlaıdy elorda ákimdiginiń resmı saıty.
Búgin Nur-Sultan qalalyq Polısııa departamentiniń basshysy general-maıor Erjan Sádenov barlyq karantındik sharalardy saqtaı otyryp, qyzmetkerlerdi kásibı mereke - Qazaqstan polısııasy kúnimen quttyqtady.
Tártip saqshylary – qylmys pen buzaqylyqqa birinshi bop qarsy turatatyn, azamattardyń quqyqtary men bostandyqtaryn qorǵaıtyn jandar. Polısııa qyzmeti – ózgeniń qamy úshin ózin qurban etýge daıyn batyl ári meıirimdi jandardyń ǵana qolynan keletin is.
"Búgin bizge qoǵamdyq tártipti saqtaý jáne elimizdiń bas qalasy, Elbasy esimimen atalǵan Nur-Sultan qaýipsizdigin qamtamasyz etýdi júktep, úlken jaýapkershilik artyldy. Elordalyq polısııa departamentiniń jeke quramy aldaǵy ýaqytta da óz qyzmetin, Otan men azamattar aldyndaǵy abyroıly mindetin atqaratyn bolady", – dep atap ótti Erjan Sádenov.
Sondaı-aq ishki ister organdary ardagerlerine de tájirıbesimen bólisip, jas qyzmetkerlerdi tárbıeleý men qalyptastyrýǵa zor úles qosqany úshin alǵys aıtyldy. Qalyptasqan dástúr boıynsha, qyzmettik mindetterin adal atqaryp, jumysta joǵary nátıjelerge qol jetkizgeni úshin IIM mınıstriniń buıryǵymen jáne Nur-Sultan qalalyq PD bastyǵynyń buıryǵymen erekshe kózge túsken qyzmetkerlerge basshy quramǵa beriletin ataqtary merziminen buryn taǵaıyndaldy. Sondaı-aq medalder, gramotalar jáne alǵys hattar da tabys etildi. "Quqyq tártibin qamtamasyz etýge qosqan úlesi úshin" medalimen polısııa podpolkovnıgi Maksım Zýbov, PD kınologııalyq qyzmet ortalyǵynyń bastyǵy, polısııa maıory Nurmolda Ábjaparov, PD patrýldik polısııa polkiniń rota komandıri marapattaldy. II dárejeli "Ishki ister organdarynyń úzdigi" tósbelgisimen Baıqońyr aýdandyq polısııa tergeý basqarmasynyń aǵa tergeýshisi, polısııa kishi leıtenanty Rahat Tájın, patrýldik polısııa polkiniń qyzmet ınspektory polısııa maıory Indıra Leskına marapattaldy. Polısııa departamenti bastyǵynyń buıryǵymen baǵaly syılyq, qol saǵattarymen polısııa maıory Muhıtdın Qalabaev, Almaty aýdanynyń jergilikti polısııa qyzmetiniń ýchaskelik polısııa ınspektory, polısııa maıory Baǵdat Hasanov, JQAJ vzvod komandıri marapattaldy. Polısııa departamenti bastyǵynyń gramotasymen polısııa kapıtany Nartaı Sattar – PD kóshi-qon qyzmeti basqarmasynyń aǵa ınspektory, polısııa aǵa serjanty Erbol О́teshov – qabyldaý-taratý ornynyń kezekshi polıseıi marapattaldy. Sondaı-aq QR IIM Akademııasynyń kýrsanttaryna da dıplomdar tabys etildi.