Petropavldyq polısııa ınspektorlary respýblıkalyq "Jolda qabyldaý" aksııasyn júrgizýi kezinde oǵan kóptegen turǵyndar, sonyń ishinde bir muǵalim alǵysyn bildirdi, - dep habarlaıdy Egemen.kz.
Áıel muǵalimniń aıtýyna qaraǵanda jalǵyz uly kópjyldan beri jaman ádetke boı aldyrǵan eken. Sony ýchaskelik ınspektorlar Jaqsylyq Ismaqov pen Dáýren Rymbaev qolǵa alyp, túzelý jolyna salypty. "Árbir kishkentaı problemanyń syrtynda úlken adam taǵdyry turady" demekshi ýchaskelik ınspektorlardyń úzbeı qadaǵalaǵandyǵynyń arqasynda jas azamat túzelip, araqty qoıyp jumysqa kirgen. "Men olardyń óz mindetin atqaryp jatqanyn túsinemin, biraq mindetti qaǵaz júzinde atqarý bar da, shyn janashyrlyqpen kirisý bar ǵoı. Myna azamattar árqashan janashyrlyqpen kómekke keldi. Meniń olarǵa degen alǵysym sheksiz", deıdi Lıýbov Anatolevna Iаkovenko.
"Jolda qabyldaý" aksııasy ótken eki kúnniń ishinde polıseılerge 100-den astam suraq kelip tústi. Olardyń basym bóligi – onlaın-formatta. О́tinishterden baıqaıtyn bolsaq, soltústikqazaqstandyqtardy mazalaıtyny motosıkl júrgizýshileriniń túngi shýly júristeri. "Aldaǵy demalys kúnderi paıdalanýshylar atapkórsetken ýchaskelerde patrýldeýdi kúsheıtpekshimiz. Motosıkl júrgizýshilermen profılaktıkalyq jumystar únemi júrgizilip turady, alaıda olar qatańyraq shara qoldanýdy kútýde", - dep atap ótti SQO PD Jergilikti polısııa qyzmeti basqarmasy bastyǵynyń orynbasary polısııa maıory Aleksandr Rozbah.
"Halyqpen keri baılanys – polısııanyń barlyq bólinisteri úshin mańyzdy qadam. Polısııa jumysyndaǵy basymdylyq barlyq habarlamalarǵa, onyń ishinde onlaın-formatta shuǵyl áreket etý bolyp tabylady", - dedi SQO PD bastyǵy, polısııa polkovnıgi Marat Tólebaev jarty jyldyqtyń qorytyndysy boıynsha jýyrda ótken onlaın-keńeste.
Soltústik Qazaqstan oblysy