Qazaqstandyq kaskaderler «Taýrýs» syılyǵyn ıelendi

Qazaqstannyń eńbek sińir­gen qaı­ratkeri, kaskader Jaı­darbek Kúnǵojınov 2000 jy­ly ózi uıymdastyrǵan ha­­lyq­aralyq kásibı Nomad Stunts kaskaderler komanda­syna álemniń úzdik ekshn-ma­mandaryna beriletin «Taý­rýs­tyń» bu­ıyr­ǵanyn zor maq­­tanyshpen ári ulttyq kıno tarı­hyndaǵy úl­ken jetistik dep atap ótti. Jaıdarbek Kún­ǵojınovtiń aıtýynsha, «Tomırıs» – No­mad Stunts úshin mańyzdy j­o­­ba­lardyń biri. Bul fılm­de batys standarttary boıyn­sha ju­mys istegen topqa ekshn, ak­terlerdi irikteý, da­ıyn­dyq jumystaryna ýaqyt jet­kilikti bolǵan. Top mú­she­leri osy jobaǵa usynys ja­saǵan rejısser A.Sataevqa al­ǵysyn bildire otyryp, óz­deri oryndaǵan trıýkterdiń ba­sym kópshiligi fılmniń al­­­ǵashqy kórsetilimine shyǵa­ryl­ǵandyǵyn atap ótti.

Jyl saıyn álemniń úzdik kaskaderlerin, qoıýshy jáne ekshn mamandardy saraptaıtyn «Taýrýs» júldesiniń ma­rapattaý rásimi Los-And­je­leste Paramount stýdııasyn­da onlaın rejimde ótti. Bú­ginde álemniń eń iri kıno jo­ba­la­ryna qatysyp júrgen Nomad Stunts atalǵan júldege eki márte úmitker bolǵany be­lgili. 2017 jyly «Vıkıng» fıl­mindegi trıýkteri úshin osy marapatqa usynylǵanmen, jeńis qazaqstandyq topqa buıyrmaǵan bolatyn.

«Oskar» dep te atalatyn syılyqqa úmitkerlerdiń qa­tarynda «Kapıtan Mar­vel», «Djon Ýık 3», «Forsaj: Hobbs jáne Shoý» basqa da fılm­derdegi kaskaderler qatys­­­ty. «Shetel fılmindegi úzdik trıýk­ter» atalymynda Nomad Stunts toby «Lenıngradty azat etý» (Reseı), «Zahar Berkýt» (Ýkraına), «Kasablanka» (Egı­pet) jáne «Rımniń bi­rin­shi patshasy» (Italııa) fılm­de­rindegi áriptesterimen baq sy­nasqan bolatyn.

Nomad Stunts tobynyń osyn­daı úzdik jobalarynyń biri osy jyldyń tamyz aıynda prokatqa shyqqan Disney stýdııasynyń «Mýlan» fıl­mi. Olar at ústindegi barlyq kúrdeli trıýkterdi oryndap, Jaıdarbek Kúnǵojınov epı­zodtyq rólge tústi. Osy joly Nomad Stunts toby Disney kompanııasymen jumys istegen alǵashqy qazaqstandyq kaskaderler desek, top jetekshisi Jaıdarbek Kúnǵojınov Gol­lıvýdtyń eń iri stýdııalary jobasynda ról alǵan alǵashqy qa­zaqstandyq akter.

Búginde Qazaqstannyń eń tanymal kaskaderler toby Aqan Sataev, Tımýr Bek­mam­betov, Sergeı Bodrov jáne Qazaqstanda kıno túsi­rip júr­­gen basqa da rejısser­ler­men, sonymen bir­ge Sıl­vester Stallone, Arnold Shvarsenegger, Brıýs Ýıllıs, Djet Lı, Kıaný Rıvz, Natalı Portman jáne basqa da Gol­lıvýd juldyzdarmen iri jo­balarǵa qatysyp keledi. Jaı­darbek Kúnǵojınov tobynyń jumysy Gollıvýdtan Bol­lıvýdqa deıingi jobalarda bedeldi toptardyń biregeıi. Sonymen birge Amerıka, Eýropa, Ońtústik-Shyǵys Azııa elderi jáne Qytaıda, Túr­kııa, Reseı men Malaızııada Amerıkanyń «Marko Polo» serıa­lynyń túsirilimine de qa­tysqan. Olar iri jobalarmen qatar Netflix jáne HBO qyzmetterine arnalǵan jobalarda da jumys isteıdi.

ALMATY