Nazarbaev Zııatkerlik mektepterinde Tuńǵysh Prezıdent kúni dástúrli «Uly dala muragerleri» dombyrashylar marafonynan bastaý alady. NIS-tiń barlyq YouTube arnalarynda Qurmanǵazy men Dáýletkereıdiń, Nurǵısa Tilendıevtiń ataqty kúıleri oryndalatyn bolady, dep habarlaıdy Egemen.kz.
Birinshi jeltoqsanda Zııatkerlik mektepter jelisinde aýqymdy baǵdarlama josparlanǵan. Merekelik marafondy alǵashqylardyń biri bolyp О́skemende «Elbasy súıgen el áni» bastady, beınechellendj Qaraǵandydaǵy jáne Petropavldaǵy Zııatkerlik mektepterge joldandy.⠀
Oralda «Prezıdenttiń bastamalary» taqyryptyq NIS Tallks ótedi. Qostanaıda «Elbasynyń kitaptary» atty vırtýaldy kórme ázirlenýde. Qyzylordadaǵy zııatkerlik oıynǵa oqýshylarmen birgek olardyń ata-analary da qatysatyn bolady. Pavlodarda «Zamandastar jyrlary» jobasy aıasynda dıktorlar klýby kórkem oqýdan «Táýelsiz eldiń ulandary» baıqaýyn uıymdastyrmaq.⠀
Taldyqorǵanda kezdesýge Altyn dombyranyń eki dúrkin ıegeri, «Daryn» memlekettik jastar syılyǵynyń laýreaty Jandarbek Bulǵaqov shaqyryldy. Shymkent qalasyndaǵy hımııa-bıologııa baǵytyndaǵy Zııatkerlik mektepte «Elbasy – Máńgilik el kóshbasshysy» atty onlaın konferensııa ótedi.⠀
Barlyq Zııatkerlik mektepterde «Búgingi shańyraq kóshbasshylary – bolashaq el kóshbasshylary» kóshbasshylar forýmy men «Álem tanyǵan Elbasy» TEDx konferensııalary, «Qazaqstandyq jol. N.Nazarbaev» vırtýaldy ekskýrsııalar men «El tiregi – Elbasy» kitap kórmeleri, «Elbasynyń qoltańbasy» esse jáne «Elin súıgen, eli súıgen Elbasy» sýret baıqaýlary, qaıyrymdylyq aksııalary, sporttyq estafetalar men tımbıldıngter, «Elimniń baǵy – Elbasy» atty konsertter men ózge de sharalar josparlanǵan.
Mereke kúnderinde barlyq Nazarbaev Zııatkerlik mektepterinde qashyqtan uıymdastyrylǵan «Týǵan elge taǵzym» tarıhı-ólketanýlyq zertteý ekspedısııasy qorytyndylanbaq. Árbir óńirde balalartarıhı mura («Uly Dala órkenıeti»); tabıǵı qoryq («Týǵan ólkem – jumaq meken!»); mádenı mura («Ult rýhanııaty – babalar amanaty»); ınnovasııalyq damý («О́ndiristik ınnovasııa kepili – zııatkerlik áleýet») tórt baǵdardan ótken.