Keshe SQO Polısııa departamentinde barlyq sanıtarlyq normalardy saqtaı otyryp, Tuńǵysh Prezıdent kúnine oraı marapattaý rásimi bolyp ótti, dep habarlaıdy Egemen.kz
"Tuńǵysh Prezıdent kúni – Táýelsiz Qazaqstan tarıhyndaǵy mańyzdy kún, bul jalpyulttyq yntymaq, birlik kúni. Búgingi tańda, dúnıejúzin pandemııa jaılaǵan kezde, ishki ister organdarynyń kúshteri qoǵamdyq tártip pen azamattardyń qaýipsizdigin saqtaýǵa jáne karantındik is-sharalardy qamtamasyz etýge baǵyttalǵan. Polısııa departamentiniń jeke quramy halyqtyń jáne Memleket basshysynyń senimin aqtaý úshin bar kúsh-jigerlerin jumsaıtynyna senimdimin. Osynaý mereke kúni, minsiz qyzmetteri úshin kóptegen qyzmetkerlerimizge alǵys bildirgim keledi", dep atap ótti SQO PD bastyǵy, polısııa polkovnıgi Marat Tólebaev.
Medaldar, tósbelgiler, Qurmet gramotalary men alǵys hattarmen qıyn da jaýapkershiligi zor qyzmettegi tabystary úshin 35 ofıser men serjant marapattaldy. Marapattalǵandardyń arasynda – polısııa kapıtany Azamat Jamuqov bar. Azamat ishki ister organdarynda 2009 jyldan bastap qyzmet atqarady. Qazirgi laýazymy – SQO PD Jergilikti polısııa qyzmeti basqarmasynyń aǵa ınspektory.
Sonymen qatar, marapattalǵandardyń qatarynda Ǵabıt Músirepov atyndaǵy aýdannyń polısııa bólimi bastyǵynyń kadr saıasaty jónindegi orynbasary polısııa kapıtany Shamıl Iztýlın de bar. Ol da ishki ister organdarynda 2009 jyldan qyzmet atqarady.