Nazarbaev Zııatkerlik mektepterinde Goldberg mashınalaryn qurastyrý boıynsha ınjenerlik shyǵarmashylyq jelilik baıqaýdyń nátıjeleri belgili boldy, dep habarlaıdy Egemen.kz
Pandemııa saldarynan balalardyń ınjenerlik bilimderi men tehnologııalyq jobalyq shyǵarmashylyqtaryn damytýǵa baǵyttalǵan robototehnıkadan dástúrli olımpıadalardy ótkizý múmkindigi joq kezeńde alǵashqy Goldberg chempıonatyn ótkizý týraly sheshim qabyldandy.
STEM-bilimderin praktıkalyq turǵyda júzege asyrýǵa arnalǵan jelilik baıqaýda balalarmen birge alǵash ret ata-analar da qatysty.
Otbasylyq komandalarǵa berilgen tapsyrmalar da búgingideı pandemııa ýaqytynda ózekti ári qısyndy deýge turarlyq – «Qoldy zararsyzdandyrý – densaýlyq kepili». Bul qorytyndy áreketi mólsherlegish mıkrobjoıǵyny basatyn mashınany jobalaý bolyp tabylady.
Jas ónertapqyshtar men olardyń ata-analaryna qoıylǵan basty talap – mashınany qoldanýdaǵy joǵary qaýipsizdik. Árbir otbasy onlaın formatta shynaıy qurylǵan mehanızmdi usyndy, qashyqtan baǵa berýshi ádil qazylar alqasy beınematerıaldarmen tanysyp, Goldberg mashınasynyń algorıtmin ǵana baǵalap qoıǵan joq, sonymen qatar toptaǵy birlesip jumys jasaý ahýalyn, ınjenerlik sheshimderdiń ádettegiden tys nusqalaryn, shyǵarmashylyq serpinderin de nazarǵa aldy.
Birinshi Goldberg baıqaýynyń jeńimpazdary bolyp Kókshetaý qalasyndaǵy Nazarbaev Zııatkerlik mektebinen Alıdar Eskendırovtyń otbasy tanyldy. Ekinshi orynda – Aqtóbedegi NIS-ten Kereı Berdishevtiń otbasy. Sondaı-aq, úzdik úshtiktiń qatarynan elordadaǵy fızıka-matematıka baǵytyndaǵy mektepten Alı Janǵalıdyń otbasy kórindi.
«Eń biregeı sheshim» arnaıy atalymynda Oral qalasyndaǵy Zııatkerlik mektepten Alıhan Idenov pen onyń komandasy marapattaldy. «Úzdik prezentasııa» nomınasııasynda Taraz qalasyndaǵy NIS-ten Nurbolat Ryskeldınovtyń otbasylyq shyǵarmashylyǵy tańdaldy.
Goldberg mashınasy janama jáne tym kúrdeli tásilmen qalypty tapsyrmany oryndaý úshin qarapaıym materıaldardan quralǵan kúrdeli konstrýksııa retinde tanylǵan. Goldberg chempıonattary men lıgalary búkil álemge áıgili.