Memleket basshysy ákimshilik-aýmaqtyq qurylys týraly zańǵa qol qoıdy

QAZAQSTAN RESPÝBLIKASYNYŃ ZAŃY

«Qazaqstan Respýblıkasynyń ákimshilik-aýmaqtyq qurylysy týraly» Qazaqstan Respýblıkasynyń zańyna ózgerister men tolyqtyrýlar engizý týraly

1-bap. «Qazaqstan Respýblıkasynyń ákimshilik-aýmaq­tyq qurylysy týraly» 1993 jylǵy 8 jel­toqsandaǵy Qazaqstan Respýblıkasynyń zańyna (Qazaqstan Respýblıkasy Joǵarǵy Keńesiniń Jar­shysy, 1993 j., №23-24, 507-qujat; 1995 j., №23, 146-qujat; Qazaqstan Respýblıkasy Par­lamentiniń Jarshysy, 2004 j., №10, 56-qujat; №23, 142-qujat; 2006 j., №18, 111-qujat; 2009 j., №2-3, 9-qujat; №8, 44-qujat; 2011 j., №11, 102-qujat; 2013 j., №2, 11-qujat; №14, 72-qujat; 2016 j., №6, 45-qujat; 2017 j., №14, 51-qujat; 2018 j., №24, 93-qujat) mynadaı ózgerister men tolyqtyrýlar engizilsin:

1) 2-bapta:

segizinshi bólik «Shaǵyn aýdandar,» degen sózderden keıin «qaladaǵy aýdandar,» degen sózdermen tolyqtyrylsyn;

toǵyzynshy bólik mynadaı redaksııada jazylsyn:

«Oblystyq mańyzy bar qaladaǵy, respýblıkalyq mańyzy bar qaladaǵy, astanadaǵy aýdan qaladaǵy aýdan bolyp tabylady. Oblystyq mańyzy bar qaladaǵy, respýblıkalyq mańyzy bar qaladaǵy, astanadaǵy aýdan olardaǵy halyq sany 400 myń adamnan astam bolǵan kezde qurylady.»;

2) 3-bapta:

3) tarmaqshadaǵy «ónerkásip oryndary» jáne «, halqynyń jalpy sanynyń úshten ekisinen astamyn jumysshylar, qyzmetshiler jáne olardyń otbasy músheleri quraıtyn eldi mekender» degen sózder tıisinshe «ónerkásiptik kásiporyndar» jáne «eldi mekender» degen sózdermen aýystyrylsyn;

4) tarmaqshanyń birinshi abzasyndaǵy «ónerkásip oryn­darynyń» jáne «, olar­dyń keminde úshten ekisin jumys­shylar, qyz­metshiler jáne olar­dyń otbasy músheleri quraı­tyn eldi mekender» degen sóz­der tıisinshe «ónerkásiptik kásip­oryndardyń» jáne «eldi meken­der» degen sózdermen aýys­ty­rylsyn;

5) tarmaqsha mynadaı redaksııada jazylsyn:

«5) aýyl – halqynyń sany keminde 50 adam bolatyn eldi meken;»;

3) 9-bap mynadaı mazmun­daǵy 4-1) tarmaqshamen tolyq­tyrylsyn:

«4-1) respýblıkalyq, oblys­tyq jáne aýdandyq mańyzy bar qa­lalardy ózge eldi mekender etip qaıta qurý jóninde sheshim qabyldaıdy;»;

4) 10-bap mynadaı maz­mun­daǵy 2-1) tarmaqshamen tolyq­tyrylsyn:

«2-1) Qazaqstan Respýb­lı­kasynyń Pre­zı­dentine res­pýb­lıkalyq, oblystyq jáne aýdan­dyq mańyzy bar qalalardy ózge eldi meken­der etip qaıta qurý týraly usyný engizedi;»;

5) 11-baptyń birinshi bóligi mynadaı maz­mundaǵy 3-1) tar­maq­shamen tolyq­ty­rylsyn:

«3-1) Qazaqstan Respýb­lıkasynyń Úkimetine oblystyq jáne aýdandyq mańyzy bar qala­lardy ózge eldi mekender etip qaıta qurý týraly usynystar engizedi;»;

6) 14-bapta:

taqyryp mynadaı redaksııada jazylsyn:

«14-bap. Aýdandyq mańyzy bar qala, kent, aýyl, aýyldyq okrýg ákiminiń ókilet­tik­teri»;

mynadaı mazmundaǵy birinshi bólikpen tolyqtyrylsyn:

«Aýdandyq mańyzy bar qala ákimi aýdandyq ókildi jáne at­qarýshy organdarǵa aýdandyq mańyzy bar qalany kent, aýyl sanatyna jatqyzý týraly usynys engizedi.»;

1) tarmaqshadaǵy «kentter, aýyldar kat­egorııalaryna» degen sózder «aýdandyq mańyzy bar qalalar, kentter, aýyldar sanattaryna» degen sózdermen aýystyrylsyn.

2-bap. Osy zań alǵashqy resmı jarııa­lanǵan kúninen keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Prezıdenti Q.TOQAEV

Nur-Sultan, Aqorda, 2020 jylǵy 12 jeltoqsan

№383-VI QRZ