Sh.Ýálıhanov atyndaǵy Tarıh jáne etnologııa ınstıtýtynyń 75 jyldyǵyna arnalǵan «Qazaqstannyń tarıh ǵylymy: ótkeni, búgini jáne keleshegi» taqyrybynda halyqaralyq ǵylymı-teorııalyq onlaın-konferensııa ótti.
Sh.Ýálıhanov atyn Tarıh jáne etnologııa ınstıtýty KSRO Mınıstrler Keńesiniń Qaýlysy, KSRO Mınıstrler Keńesi janyndaǵy shtattyq komıssııanyń 1944 jylǵy 6 jeltoqsandaǵy № 689 etnografııa ınstıtýtyn jáne Til jáne ádebıet ınstıtýtyn bólip shyǵarý týraly» Qaýlysy negizinde quryldy. 1961 jyldyń qańtar aıynda ınstıtýtqa belgili tarıhshy-ǵalym, etnograf Sh.Sh. Ýálıhanovtyń esimi berildi. QazKSR ǴA Prezıdıýmynyń 1991 jylǵy 12 qyrkúıektegi № 73 qaýlysymen Sh.Sh. Ýálıhanov atyndaǵy Tarıh jáne etnologııa ınstıtýty bolyp ózgerdi.
Konferensııaǵa tarıh, tarıhnama, derektaný jáne ádisteme; Qazaqstan tarıhynyń teorııalyq-ádisnamalyq máseleleri, etnografııa, arheologııa jáne murajaı isi, Uly dala memlekettiliginiń tarıhy jáne onyń sabaqtastyǵy; táýelsizdik jaǵdaıyndaǵy tarıh ǵylymynyń jaı-kúıi men damý barysy, Qazaqstan tarıhynyń sheshilmegen máseleleri men «aqtańdaqtary», Sh.Sh. Ýálıhanov atyndaǵy Tarıh jáne etnologııa ınstıtýtynyń qoǵamdyq-gýmanıtarlyq ǵylymdardy damytýǵa qosqan úlesi men el tarıhynyń ulttyq tujyrymdamasyndaǵy róli turǵysyndaǵy máseleler arqaý boldy.