Almatyda Almaly aýdanynyń №109 saılaý ýchaskesiniń baqylaýshysy Raýshan Orazalıeva Almaty qalasyndaǵy jalpy qalalyq baspasóz ortalyǵynda aqparat berip, saılaý ýchaskesindegi qazirgi jaǵdaı, sondaı-aq baqylaýshylardyń jumysy týraly baıandady, dep habarlaıdy Egemen.kz
Raýshan Orazalıevanyń aıtýynsha, saılaý ýchaskesi óz jumysyn ýaqytynda bastady, saılaý ýchaskesin ashý talapqa saı ótti. Saılaý barysyn baqylaý da óz deńgeıinde júrip jatyr. Ýchaskede barlyq sanıtarlyq normalar saqtalǵan: kire beriste dezınfeksııalyq tonnel ornatylǵan, ár saılaýshynyń dene qyzýy tekserilip, betperdeler taratylyp jatyr.
«Saǵat 7:00-den bastap saılaýshylar saılaý ýchas kesine kele bastady. Bizdiń azamattardyń, qala turǵyndarynyń kóńil kúıleriniń kóterińki bolýy qýantady. Barlyǵy sáttilik tilep, óz daýystaryn berýde», dedi R.Orazalıeva. Ýchaskede saılaýshylarǵa, onyń ishinde múmkindigi shekteýli jandarǵa barlyq jaǵdaılar jasalǵan.
Saılaý ýchaskeleri saǵat 7:00-den 20:00-ge deıin jumys isteıdi.