Sessııada máslıhat hatshysy jáne jańadan qurylǵan turaqty komıssııalardyń tóraǵalary saılandy, sonymen qatar «Almaty-2025» damý baǵdarlamasy bekitildi, dep habarlaıdy Egemen.kz
Saılaý qorytyndysy boıynsha máslıhattaǵy oryndar tómendegideı belgilengen:
Nur Otan partııasy - (68,11%) 29 oryn, «Aq jol» partııasy - (10,11%) 4 oryn, Qazaqstannyń Halyq partııasy - (7,7) %) 3 oryn, «Aýyl» partııasy - (7,68%) 3 oryn.
Sessııany Almaty qalasyndaǵy aýmaqtyq saılaý komıssııasynyń tóraıymy Janna Asanova ashty. J. Asanova saılanǵan depýtattardy quttyqtap, halyq qalaýlylaryna VII shaqyrylǵan Almaty qalasy máslıhaty depýtattarynyń kýálikteri men tósbelgilerin tapsyrdy.
Qalalyq máslıhattyń birinshi sessııasynyń tóraǵasy saılanǵannan soń kún tártibindegi birinshi másele retinde VII shaqyrylǵan Almaty máslıhatynyń hatshysy bolyp depýtat Stanıslav Kankýrov biraýyzdan saılandy. Ekinshi máseleni talqylaý barysynda turaqty komıssııalar quryldy jáne olardyń tóraǵalary men músheleri saılandy. Máslıhat depýtattary aldynda sóılegen sózinde Nur Otan partııasy Almaty qalalyq fılıalynyń tóraǵasy, Almaty ákimi Baqytjan Saǵyntaev «Almaty-2050» Strategııasynda Almatynyń ǵalamdyq, ómir súrý men jumys isteý úshin tartymdy qalaǵa ári Ortalyq Azııanyń zııatkerlik jáne mádenı astanasyna aınalýy tıis ekeni naqtyly kórsetilgenin atap ótti.
Strategııaǵa sáıkes «Sheti joq qala», «Aqyldy» qala, «Teń múmkindikter qalasy», «Qaýipsiz qala», «Jasyl qala», «Jahandyq iskerlik ortalyǵy», «Mádenı kreatvıti qala» tujyrymdamalaryna basa nazar aýdarylatyn bolady. Strategııany tıimdi júzege asyrý úshin kelesi turaqty komıssııalar men olardyń basshylary tanystyryldy: Strategııalyq josparlaý, bıýdjet jáne tıimdilik jónindegi komıssııa, basshysy – tájirıbeli qarjyger, «Almaty» ÁKK» AQ basqarma tóraǵasy Asqar Bilisbekov; Kólik jáne kommýnaldyq ınfraqurylymdy damytý jónindegi komıssııa, basshysy – tájirıbeli jol salýshy jáne kommýnalshy, «Jol-Transservıs 2006» bas dırektory Esengeldi Talbıdınov; Qala qurylysy, turǵyn úı jáne jerdi paıdalaný jónindegi komıssııa, basshysy – tájirıbeli qurylysshy, «DWS group» kompanııasynyń dırektory Maksım Fınogenov; Kásipkerlikti, ınnovasııany, aqparattyq tehnologııalardy jáne kreatıvti ındýstrııany damytý jónindegi komıssııa, basshysy – tanymal kásipker, «Tanmedia Group» dırektorlar Keńesiniń tóraǵasy Armanjan Baıtasov; Jergilikti memlekettik basqarý jáne qaýipsizdik máseleleri jónindegi komıssııa, basshysy – tájirıbeli memlekettik qyzmetker, Almaty qalasynyń Áleýmettik ál-aýqat basqarmasynyń basshysy Rahat Shımasheva; Áleýmettik-mádenı damý, jastar jáne qoǵamdyq kommýnıkasııalar jónindegi komıssııa, basshysy – tanymal jas óner qaıratkeri, Qurmanǵazy atyndaǵy Qazaq ulttyq konservatorııasynyń rektory Arman Júdebaev.
Qala ákimi B.Saǵyntaev «Qalanyń mańyzdy máseleleriniń biri – ekologııa Sondyqtan ekologııa, týrızm jáne qoǵamdyq keńistikti damytý boıynsha jańa komıssııany quryp, onyń basshysy etip azamattyq sektordyń tájirıbeli ókili Altynaı Ormanqalıqyzy Kóbeevany taǵaıyndaý kerek», - dep depýtattarǵa usynys jasady. Daýys berý nátıjesinde turaqty komıssııalardyń jumysyn qaıta formattaý jáne jańa, jetinshisin qurý týraly usynysty VII shaqyrylǵan Almaty máslıhatynyń depýtattary biraýyzdan qoldady. Sessııa barysynda «Almaty-2025» damý baǵdarlamasy da qabyldandy. Aıaqtalý kezinde qala máslıhaty ekinshi sessııasynyń tóraǵasy saılandy.
ALMATY