Elimizdiń 14 óńirinde óńdeý ónerkásibi qarqyndy ósip kele jatyr. Bul týraly búgin Úkimet otyrysynda Ulttyq ekonomıka mınıstri Áset Erǵalıev aıtty, dep habarlaıdy Egemen.kz
«О́ńdeý ónerkásibi serpindi qarqynmen ósýde. О́sý 6,1 paıyz qurady. 14 óńir oń ósý kórsetti. Eń joǵarǵy ósý temeki ónimderi men elektrlik akkýmýlıatorlar óndrisiniń ósýi esebinen Almaty qalasy men Almaty oblysynda, taýarlyq beton, tazartylǵan altyn jáne temirjol lokomotıvteri óndirisiniń ósýi esebinen Nur-Sultan qalasynda baıqalady», dedi 2021 jyldyń qańtar-aqpanyndaǵy elimizdiń áleýmettik-ekonomıkalyq damý qorytyndysy jaıynda baıandaǵan mınıstr.
Mınıstr atap ótkendeı, óńdeý ónerkásibinde tómendeý 3 óńirde baıqaldy. Naqty aıtqanda munaı óńdeý ónimderi óndirisiniń qysqarýy saldarynan Atyraý oblysynda, et óńdeý jáne transformatorlar óndirisi kólemderiniń azaıýy saldarynan Batys Qazaqstan oblysynda, transformatorlar men maqta óndirisiniń azaıýy saldarynan Túrkistan oblysynda tómendeý tirkeldi.
«Ishki jáne syrtqy ınvestısııalardy tartý boıynsha jumys belsendi júrgizilýde. Ken óndirý ónerkásibin esepke almaǵanda, ınvestısııalardyń ortasha ósýi 13,3 paıyzdy qurady», dedi Áset Erǵalıev.