SQO-da qaltafon urlyǵy órship tur. Sońǵy úsh aıda ǵana oblys boıynsha osyndaı 99 urlyq tirkeldi. Bul qylmystyń ashylýy ázirge 78%-dan joǵary.
Bul qylmys ásirese jastar arasynda óris alǵan. Máselen, jýyrda polısııa bólimine qaladaǵy kolledjderdiń biriniń 21 jastaǵy stýdenti júgingen. Ol «Samsung» uıaly telefonynyń urlanǵanyn aıtqan. Shyǵyn 55 teńgeni quraıdy. Jedel ýákilder birer kún buryn qalanyń shetki aýdandaryndaǵy dámhanalardyń birinde jábirlenýshimen birge alkogoldik ishimdik ishken júrisi suıyq 26 jastaǵy qalalyqqa kúdiktenedi. Aqyry, kúdik rasqa aınalyp, ol tanysynyń múlkin mas bolyp qalyp urlaǵanyn aıtqan. Atalǵan fakti Qylmystyq kodekstiń 188-baby - «Urlyq» boıynsha Sotqa deıingi tergep-tekserýlerdiń biryńǵaı tizilimine engizildi. Urlanǵan zattyń qaıda ekenin anyqtaý úshin polıseılermen sharalar qabyldaýda. «Qaltafondar kóbine birge alkogoldik ishimdikter ishý barysynda urlanyp jatady. Alkogoldik masaıý adam saý kezinde jasamaıtyn teris qylyqtardy jasaýǵa sebep bolady», - deıdi Ekinshi PB bastyǵy polısııa podpolkovnıgi Rýslan Syzdyqov.