Tuńǵysh Prezıdent Qazaqstan halqy Assambleıasynyń XXIX sessııasynda pandemııa jaǵdaıyndaǵy Qasym-Jomart Toqaevtyń saıasaty jaıynda sóz etti, dep habarlaıdy Egemen.kz.
«Búginde Qazaqstan jańa jaýapty kezeńge aıaq basty, ol pandemııa jylymen, jahandyq ekonomıkadaǵy daǵdarystyq qubylystardyń kúsheıýimen, jetekshi álemdik oıynshylardyń geosaıası básekelestiginiń shıelenisýimen tuspa-tus keldi. Osy jáne basqa da qolaısyz jaǵdaılar bizdiń memleketimizdiń damýyna teris áserin tıgize almaıdy. Osyndaı jaǵdaıda elimizdiń Prezıdenti Qasym-Jomart Toqaev jan-jaqty, syndarly saıasatyn júrgizip keledi. Biz ony qoldaýǵa tıispiz. Ol barlyq qazaqstandyqtyń múddesi men ultymyzdyń odan ári damýyna qyzmet etedi dep senemin», dedi Nursultan Nazarbaev.
Eske sala keteıik, Qazaqstannyń Tuńǵysh Prezıdenti - Elbasy, QHA Tóraǵasy N.Á.Nazarbaevtyń tóraǵalyǵymen Qazaqstan halqy Assambleıasynyń XXIX sessııasy ótip jatyr.
Sessııa jumysyna onlaın formatta 600-den astam adam qatysyp jatyr. Olardyń qatarynda barlyq óńirlerden kelgen Assambleıa músheleri, respýblıkalyq jáne óńirlik etnomádenı birlestikterdiń tóraǵalary, Parlament depýtattary, ortalyq atqarýshy organdardyń, saıası partııalardyń, dinı birlestikterdiń basshylary, ÚEU, ǵylymı, shyǵarmashylyq zııaly qaýym jáne BAQ ókilderi bar.