19-20 mamyr kúnderi Qasym-Jomart Toqaev Prezıdent Emomalı Rahmonnyń shaqyrýymen Tájikstan Respýblıkasyna resmı saparmen barady. Bul týraly Prezıdenttiń baspasóz hatshysy Berik Ýálı Facebook paraqshasynda jazdy, dep habarlaıdy Egemen.kz
Sapar aıasynda Qasym-Jomart Toqaev pen Emomalı Rahmon shaǵyn jáne keńeıtilgen quramda ekijaqty kelissózder ótkizbek. Onda saıası dıalogty, saýda-ekonomıkalyq, ınvestısııalyq jáne mádenı-gýmanıtarlyq baılanystardy odan ári nyǵaıta otyryp, qazaq-tájik strategııalyq seriktestigin damytýǵa basymdyq berilmek.
Kelissózder barysynda óńirlik kooperasııany jandandyrý, Ortalyq Azııadaǵy turaqtylyq pen qaýipsizdikti qamtamasyz etý máselelerine erekshe mán beriledi.