Memleket basshysy Qasym-Jomart Toqaev Qyrǵyz Respýblıkasynyń jańa Konstıtýsııasynyń qabyldanýyna oraı Qyrǵyzstan Prezıdenti Sadyr Japarovqa quttyqtaý jedelhatyn joldady.
– Búkil halyq qoldaǵan Ata zań Qyrǵyzstannyń uzaqmerzimdi damý strategııasynyń berik negizin qalaıtyn, el egemendiginiń qorǵany bolatyn jáne qoǵamdy biriktiretin basty qujat. Sizdiń bastamalaryńyz ben reformalaryńyzdyń sátti júzege asýy qyrǵyz memlekettiligin nyǵaıtýǵa, halyqtyń ál-aýqatyn arttyrýǵa jáne eldiń halyqaralyq arenadaǵy bedelin kóterýge septigin tıgizedi. Qazaqstan Qyrǵyzstannyń strategııalyq seriktesi ári odaqtasy retinde baýyrlas qyrǵyz halqyna aldaǵy ýaqytta da jan-jaqty qoldaý kórsete berýge daıyn, – delingen jedelhatta.
Sóz sońynda Qasym-Jomart Toqaev qyrǵyz halqynyń ıgiligi men ósip-órkendeýi jolyndaǵy Sadyr Japarovtyń jaýapty qyzmetine tolaǵaı tabys tiledi.