Aqparat jáne qoǵamdyq damý mınıstri Aıda Balaeva kınosynshylarmen kezdesti. Ol Mınıstrlik telehıkaıalar óndirisi boıynsha smetalyq qarjylandyrý máselesine qatysty jumystardy pysyqtalyp jáne "prodakshnderdiń" kásipqoılyq deńgeıi negizinde irikteý maqsatynda memlekettik aqparattyq tapsyrysty úlestirý erejelerin ózgertýdi josparlap otyrǵany týraly habardar etti.
«Sheteldiń, eń aldymen ózimiz de tanysqan Túrkııanyń tájirıbesi kórsetip otyrǵandaı, telehıkaıalardyń ıdeologııalyq mazmuny men sapasyn arttyrý aspektilerinde tek kınoserıaldyq óndiris kesheniniń barlyq qatysýshylary birikkende ǵana, ıaǵnı ssenarıst pen rejısserden bastap synshy-resenzentke deıin, bul salada edáýir nátıje kórsetýimiz múmkin. Bul prosesterge kınosynshylar ınstıtýty qatyspaı, qazaqstandyq telehıkaıalar mádenı perıferııada qala bermek», dedi mınıstr.
Kezdesý barysynda kınosynshylar Qazaqstandaǵy kınoserıaldyq ındýstrııany damytý salasyna qatysty óz usynystary men pikirlerin bildirdi. Osy oraıda A.Balaeva: «Aqparat jáne qoǵamdyq damý mınıstrligi telehıkaıalardyń kásibı oryndalýy men ıdeologııalyq mazmunynyń sapasyn arttyrý maqsatynda sizderdi yntymaqtastyqqa shaqyrady», dedi.
Is-shara sońynda A.Balaeva mınıstrlik telehıkaıalyq ónim salasyn damytý máselesi boıynsha syndarly usynystarǵa ashyq ekenin atap ótti, dep habarlady Aqparat jáne qoǵamdyq damý mınıstrliginiń baspasóz qyzmeti.