Ortalyq kommýnıkasııalar qyzmetinde IIM Ákimshilik polısııa komıtetiniń tóraǵasy Murat Baımuqashev 2022 jyldan bastap ýchaskelik ınspektordyń jalaqysy taǵy 30 paıyzǵa, al kómekshileriniń jalaqysy 7 paıyzǵa artatynyn málimdedi, dep habarlaıdy Egemen.kz
«Úzdik qyzmetkerlerdi irikteý úshin kandıdattarǵa qatysty biliktilik talaptary, onyń ishinde bos jumys ornyna ornalastyrýǵa qoıylatyn talaptar kúsheıtilip jatyr. Sondyqtan 2019 jyly ýchaskelik ınspektorlardyń jalaqysy 25 paıyzǵa artty. Bıyldyń basynan olardyń kómekshileriniń jalaqysy 30 paıyzǵa ósti. Qazirgi kezde ýchaskelik ınspektordyń jalaqysy 177-266 myń teńge aralaǵynda», dedi komıtet basshysy.
Murat Baımuqashevtyń aıtýynsha, aldaǵy jyldan ýchaskelik ınspektordyń jalaqysy taǵy 30 paıyzǵa, al kómekshileriniń jalaqysy 7 paıyzǵa artady. Belgili bolǵandaı, 2019 jyldyń shildesinen ýchaskelik ınspektorǵa turǵyn úıdi jalǵa alǵany úshin ótemaqy tólenedi.
«Bıyldyń 1 qańtarynan bul tizimge ýchaskelik ınspektor kómekshisi de endi. Osy jyldyń sáýirinen bastap olar osy baspana tólemderin turǵyn úıdi jekemenshikke alý úshin paıdalana alady. Iаǵnı tólemderdi bólip tóleý nemese ıpotekalyq nesıeleý baǵytyna qatysý múmkindigi bar», dedi Murat Baımuqashev.