Túrkistan oblysynda jasóspirim qyz 3 kúnnen beri izdestirilýde. О́ńirdiń Polısııa departamenti izdestirý jumystaryna kómek kórsetýdi surady, dep habarlaıdy Egemen.kz.
4 maýsym kúni Jetisaı aýdanynyń jergilikti turǵyny Jetisaı aýdandyq polısııa bólimine júgingen. Ol 14 jastaǵy qyzy 4 maýsym kúni túski ýaqytta úıinen belgisiz baǵytqa shyǵyp ketip, qaıta oralmaǵanyn aıtqan. Atalǵan jaıt Jetisaı APB-de birden tirkeýge alynǵan.
Qazirgi tańda jergilikti polısııa qyzmetiniń ýchaskelik polısııa ınspektorlary jasóspirim qyzdy izdestirý jumystaryn júrgizýde. Sonymen qatar Jetisaı aýdany ákimshiliginiń qyzmetkerlerimen birge mobıldi top qurylyp, izdestirý jumystary jan-jaqty iske asyrylýda.
«Osy tusta barlyq turǵyndar men qonaqtardan joǵalǵan qyzdy tabýǵa kómektesýlerin suraımyz», dedi Polısııa departamentinen.
Belgileri: ústinde aq tústi fýtbolka, qara djınsy shalbar jáne aıaǵynda qara tústi aıaq kıimi bolǵan. О́zimen birge qara tústi «Samsýng Dj-2» markaly uıaly telefony bar. Qandaı da bir málimetke ıe azamattar Jetisaı APB-nyń kezekshilik nómirine: 8 7253467020 nemese polısııanyń 102 telefon nómirine habarlasa alady.