Búgin belgili reseılik jýrnalıst, halyqaralyq sholýshy, tarıhshy Leonıd Mlechın Qasym-Jomart Toqaevtyń Qazaqstan Prezıdenti laýazymyna saılanǵanyna eki jyl tolýyna oraı óziniń YouTube arnasynda avtorlyq habaryn jarııalady, dep habarlaıdy Egemen.kz Prezıdenttiń baspasóz hatshysy Berik Ýálıge silteme jasap.
«Avtor «Kazahstan mejdý Rossıeı ı Kıtaem. 2 goda Prezıdenta Tokaeva» dep atalatyn derekti jobada Qazaqstan basshysynyń saıası baǵyt-baǵdary jóninde óziniń oı-pikirin ortaǵa salǵan. Ol Qasym-Jomart Toqaevtyń bastamasymen qolǵa alynǵan reformalar týraly ǵana emes, sondaı-aq, Memleket basshysymen kezdeskende alǵan óz áseri jaıly da egjeı-tegjeıli áńgimeleıdi», delingen B. Ýálıdiń jazbasynda.