Oralda mas kúıinde jol apatyn jasaǵan polıseı qyzmetinen qýyldy. Bul týraly BQO polısııa departamentiniń baspasóz qyzmeti málim etti, dep habarlaıdy Egemen.kz.
BQO polısııa departamenti tártiptik komıssııasynyń 21 maýsymdaǵy sheshimimen teris is-qylyq jasaǵany úshin Abaı polısııa bólimi jergilikti polısııa qyzmeti bóliminiń bastyǵy Berik Ibrashev ishki ister organdarynan bosatyldy. Onyń tikeleı basshylary da qatań tártiptik jaýapkershilik tartyldy.
Sondaı-aq Oral qalasy mamandandyrylǵan ákimshilik sotynyń 21 maýsymdaǵy qaýlysymen QR Ákimshilik quqyqbuzýshylyq kodeksi 608-baby 3-bóligine sáıkes B.Ibrashev jeti jylǵa kólik quralyn basqarý quqyǵynan aıyryldy.