Prezıdent Qasym-Jomart Toqaev daryndy jas ánshi Rýhııa Baıdúkenovany Belarýs Respýblıkasynyń Vıtebsk qalasynda ótken «Slavıanskıı bazar» baıqaýyndaǵy senimdi jeńisimen quttyqtady. Bul týraly Prezıdentti baspasóz hatshysy Berik Ýálı jazdy, dep habarlaıdy Egemen.kz.
«Álemniń kóptegen eliniń kil myqty talanttary qatysqan osynaý aıtýly baıqaýda kórsetken ónerińiz – Sizdiń kásibı daralyǵyńyzdyń, tabıǵı darynyńyz ben ártistik sheberligińizdiń aıqyn dáleli», dedi Qasym-Jomart Toqaev óz quttyqtaýynda.
Memleket basshysy Rýhııa Baıdúkenovanyń tabysty óner kórsetýi Táýelsizdigimizdiń 30 jyldyǵy qarsańynda barsha qazaqstandyqtarǵa jasaǵan tamasha tartý boldy dep sanaıdy.