Nur-Sultan qalasynyń ákimdigi Semeı polıgonynan zardap shekken azamattarǵa kómek kórsetý úshin qarjy bólýdi josparlap otyr. Bul jaıynda qalalyq Jumyspen qamtý jáne áleýmettik qorǵaý basqarmasy basshysynyń orynbasary Baqtııar Garıfýllın aıtty, dep habarlaıdy Egemen.kz.
«Máslıhat sheshiminiń jobasynda Semeı ıadrolyq synaq polıgonynan zardap shekken tulǵalarǵa ataýly datalarda 2,5 aılyq eseptik kórsetkish mólsherinde áleýmettik kómek kórsetý kózdelgen. Bul sanatqa zeınetkerler men bir rettik áleýmettik ótemaqy alýshylardy qosamyz», dedi ol qalalyq qoǵamdyq keńes otyrysynda.
Onyń aıtýynsha, atalǵan áleýmettik kómek júzege asqan jaǵdaıda qala bıýdjetinen 6,4 mln teńge qajet bolady.
Bul máseleni Semeıde zardap shekkender qoǵamyna kiretin qoǵamdyq birlestik kótergen. Qazir shara qoǵamdyq keńes talqylaýyna shyǵarylǵan.