Alataý aýdanynyń turǵyny ańshy myltyǵymen atyp óltirgen besinshi adamnyń kim ekeni anyqtaldy, dep habarlaıdy Egemen.kz.
Almaty qalalyq Polısııa departamentiniń bastyǵy Qanat Taımerdenov atys kezinde qaıtys bolǵan besinshi adam týraly aıtty.
«Besinshi adam - úıdi satyp alǵan kisiniń dosy. Ol kýáger retinde birge kelgen», dedi Qanat Taımerdenov arnaıy brıfıngte.
Buǵan deıin departament basshysy, atalǵan derek boıynsha eki qylmystyq is qozǵalǵany týraly málim etken edi. Sonymen qatar, Baqytjan Saǵyntaev olardyń otbasyna tıisti kómek kórsetiletini týraly aıtqan bolatyn. Keıinirek Jeke sot oryndaýshylarynyń palatasy oqıǵaǵa qatysty túsinikteme berdi.
Aıta keteıik, osyǵan deıin Almatyda atys bolyp, 5 adamnyń qaza tapqanyn habarlaǵan bolatynbyz.
Atalǵan jaǵdaı boıynsha sotqa deıingi tergeý amaldary bastaldy. Kináli adam 20 jylǵa deıin nemese ómir boıyna bas bostandyǵynan aıyrylýy múmkin.