Almatylyqtar «Sergek» kamerasy ornatylǵan patrýldik kólikti vıdeoǵa túsirdi. Bul arqyly polıseıler aıyppul tólemeıtinderdi anyqtaıtyn bolady, dep habarlaıdy Egemen.kz.
Almaty polısııa departamenti «Boryshker» jedel aldyn alý is-sharasy aıasynda aıyppul tólemeıtinder boıynsha pysyqtaý bastalǵanyn habarlady.
Avtomobılderdiń qarqyndy aǵyny bar jerlerde jumys isteýge jol-patrýldik polısııasynyń avtoekıpajdary jumyldyryldy. Sondaı-aq «JQQ» AAJ jáne «Sergek» AО́K qoldanylady, olar salynǵan ákimshilik aıyppuldar boıynsha bereshegi bar boryshkerlerdi avtomatty túrde anyqtaıdy.
«Josparly merzimdi is-shara shekteýleri bar, ıaǵnı qamaýǵa alynǵan adamdar men kólik quraldaryn, sondaı-aq zańda belgilengen merzimde ákimshilik quqyq buzýshylyq týraly is boıynsha oryndalmaǵan qaýlylary bar qasaqana tólemeýshilerdi anyqtaýǵa baǵyttalǵan», dep habarlady Almaty qalasy PD ákimshilik polısııa basqarmasynyń bastyǵy Nurlan Amanbek.
Júıe qozǵalystaǵy kólik aǵynynda tártip buzýshyny anyqtaǵan jaǵdaıda ınspektor mashınany toqtatyp, toqtaý sebebin túsindiredi. Odan keıin tártip buzýshynyń avtokóligi arnaıy aıyp turaǵyna jabylady. Kelgen jeri boıynsha QR Ákimshilik quqyq buzýshylyq týraly Kodeksine sáıkes alyp qoıý hattamasy toltyrylady.
«Ustalǵan kólik quralyn aıyppul turaǵynan berý salynǵan aıyppul týraly qaýlylar tolyq oryndalǵan kezde ǵana júzege asyrylady. Mundaı sharalar quqyq buzýshylardyń zańdy mindettemelerin ýaqtyly oryndaýyna tıimdi áser etedi dep esepteımin», dep atap ótti ol.
Sondaı-aq is-sharaǵa jeke sot oryndaýshylarynyń óńirlik palatasynyń sot oryndaýshylary men Almaty qalasy prokýratýrasynyń qyzmetkerleri qatysady.