Atyraýda kópqabatty turǵyn úıden órt shyqty, dep habarlaıdy Egemen.kz.
О́rt týraly habar búgin, 18 qazan kúni saǵat 16:16 shamasynda túsken.
«Atyraý qalasyndaǵy S.Datov kóshesinde ornalasqan kópqabatty turǵyn úıdiń shatyry órtengen. Jalyn saldarynan 4 jáne 5-qabattaǵy balkon janǵan. Jergilikti ýaqytpen saǵat 16:48-de tolyq joıylǵan órtti sóndirýge 9 arnaıy tehnıka, onyń ishinde 2 avtosaty tartyldy», dep habarlady oblystyq tótenshe jaǵdaılar departamenti baspasóz qyzmeti.
Turǵyn úıdegi órtten zardap shekkender men qaza tapqandar joq.