Almatyda joǵalyp ketken 8 jasar bala tabyldy. Bul týraly qalalyq polısııa departamenti málim etti, dep habarlaıdy Egemen.kz.
«Bala tabyldy, aman-esen jáne deni saý. Bizdiń qyzmetkerler jetkinshekti ata-anasyna tapsyrady. Úıden ketýiniń sebebi - dalada serýendegisi kelgen eken. Solaı dep túsindirdi. Kámeletke tolmaǵan balamen jáne onyń zańdy ókilderimen profılaktıkalyq áńgime júrgiziledi», dep habarlady Almaty qalalyq polısııa departamentiniń baspasóz qyzmeti.
Buǵan deıin Almatyda segiz jasar balanyń joǵalyp ketkenin jazǵan bolatynbyz. Ol 20 qazan túngi saǵat úshte, ata -anasy uıyqtap jatqanda úıden shyǵyp ketken.
Balany polıseıler men eriktiler izdedi.