Aqtóbe qalasynda PB JBO «102» telefonyna er adam qońyraý shalyp, «Troıa» dámhanasyna bomba qoıylǵanyn málim etti, dep habarlaıdy Egemen.kz.
Shuǵyl qyzmetter men saperler toby dereý oqıǵa ornyna jetip, dámhanada jarylǵysh qurylǵylarǵa tekserý uıymdastyrdy. Dámhanaǵa kelgen 87 adam men qyzmetkerler evakýasııalandy. Jarylǵysh qurylǵy tabylǵan joq.
«Jedel-izdestirý is-sharalaryn júrgizý barysynda terrorızm aktisi týraly kórineý jalǵan habarlama jasady degen kúdikpen patrýldik polısııa qyzmetkerleri Qobda aýdanynyń 27 jastaǵy turǵynyn anyqtap, ustady. Ol qaljyńdap aıtqanyn túsindirdi. Atalǵan fakti negizinde QR QK-niń 273-baby «Terrorızm aktisi týraly kórineý jalǵan habarlaý» boıynsha sotqa deıingi tergeý bastaldy. Kúdikti ÝUI-ǵa qamaýǵa alyndy», delingen vedomstvo habarlamasynda.
Aıta keteıik, atalmysh baptyń sanksııasy bes jylǵa deıingi merzimge bas bostandyǵynan aıyrý túrindegi jazany kózdeıdi.