Izraıl polısııasy qarý-jaraq saýdasynyń eń iri jerasty jelisin joıǵany málim boldy, dep habarlaıdy Egemen.kz.
Operasııa qylmystyq qurylymda jaldanǵan agenttiń arqasynda múmkin bolǵan.
«Búgin tańerteń 1600 polısııa qyzmetkeri, onyń ishinde shekara polısııasy men arnaıy jasaqtyń sarbazdary reıd jasap, 25 eldi mekennen 64 kúdiktini qamaýǵa alý operasııasyn jasady», delingen quqyq qorǵaý vedomstvosynyń baspasóz qyzmetiniń habarlamasynda.
Operasııa barysynda Izraılge kontrabandalyq jolmen kelgen nemese SAHAL áskerı bazalarynan urlanǵan kóptegen qarý-jaraq pen oq-dáriler tárkilendi.
Operasııa 2020 jyldyń tamyzynda polısııa jaldaǵan qylmystyq top múshesiniń arqasynda iske asyrylǵan. Sońǵy bir jyl ishinde ol 4 mıllıon shekelge jýyq qarý-jaraq pen oq-dárilerdi satyp alý boıynsha 48 mámile jasady, onyń ishinde pýlemet, myltyqtar men tapanshalar satyp alyndy.
«Bul – qupııa operasııa. Biz eki jyl buryn eldiń soltústik okrýginde daıyndyqty bastadyq. Biz qoǵamdaǵy zorlyq-zombylyq, qylmyspen kúresýdemiz», dep polısııanyń baspasóz qyzmeti málimdedi.
Polısııa bul Izraıl tarıhyndaǵy tutqyndalǵan saýdagerler men tárkilengen qarýlar sany boıynsha eń úlken operasııa ekenin aıtady.