Almaty mektepterinde ornatylǵan beınekameralar polısııaǵa qosylǵan. Bul týraly qalalyq polısııa departamentiniń bastyǵy Qanat Taımerdenov málim etti, dep habarlaıdy Egemen.kz.
«Reseı Federasııasynyń Qazan jáne Perm qalalaryndaǵy qaıǵyly oqıǵalardy barlyǵy biledi. Balalardyń qaýipsizdigin qamtamasyz etý maqsatynda bilim berý obektilerinde aldyn alý sharalary kúsheıtildi. Búgingi kúni qalanyń barlyq 207 mektebinde 4 414 beınebaqylaý kamerasy ornatylǵan, olardyń 2 620 jedel basqarý ortalyǵyna qosylǵan. Qalǵandary jaqyn arada qosylatyn bolady. Sonymen qatar oqý oryndaryn tekserý qalanyń barlyq mektepterinde kúzet agenttigine sıgnal beretin dabyl túımeleri jumys isteıtinin kórsetedi», dep habarlady Qanat Taımerdenov.
Búgingi tańda bilim beretin barlyq mekemeler dabylmen jabdyqtalǵan, sondaı-aq olarda oqý oryndarynyń ákimshilik ǵımarattaryna kirýdi baqylaý jáne basqarý júıesiniń jabdyqtary ornatylǵan. Beınebaqylaý júıelerimen 150 mektepke deıingi bilim berý mekemeleri jabdyqtalǵan.