QR Energetıka mınıstri Maǵzum Myrzaǵalıev 2022 jyly elimizde jylyna 500 myń tonna polıpropılen óndiretin zaýytty iske qosý josparlanǵanyn aıtty, dep habarlaıdy Egemen.kz.
«Búgingi tańda Shymkent qalasynda qýattylyǵy 57 myń tonna oktan kóteretin qospa jáne qýattylyǵy 81 myń tonna polıpropılen shyǵaratyn zaýyt iske qosyldy. 2022 jyly qýattylyǵy jylyna 500 myń tonna polıpropılen óndiretin zaýytty paıdalanýǵa berý josparlanǵan («KRI» JShS, Atyraý oblysy). Budan basqa, munaı-gaz hımııasy salasynda birqatar iri jobalar, atap aıtqanda polıetılen óndirý boıynsha jobalar iske asyrylatyn bolady», dep habarlady Energetıka mınıstri Úkimet otyrysynda.
Vedomstvo basshysy atap ótkendeı, polıetılen jobasy boıynsha búginde strategııalyq ınvestormen yntymaqtastyqtyń bazalyq sharttary boıynsha kelisimderge qol jetkizildi. Býtadıen jobasy boıynsha aǵymdaǵy jyldyń mamyr aıynda «Tatneft» JAQ-men strategııalyq seriktes retinde jobany birlesip iske asyrý týraly kelisimge qol qoıyldy.
«Atalǵan jobalardy iske asyrý Qazaqstan ekonomıkasyna shamamen 8,6 mlrd AQSh dollary kóleminde ınvestısııa tartýǵa múmkindik beredi», dep qosty Maǵzum Myrzaǵalıev.