Almaty qalasynyń bas sanıtarlyq dárigeri Jandarbek Bekshın qalada «omıkron» shtamy anyqtalmaǵanyn aıtty, dep habarlaıdy Egemen.kz.
Almatynyń bas sanıtarlyq dárigeri Jandarbek Bekshın megapolıste koronavırýspen aýyratyndardyń sany azaıǵanyn habarlady. Kúnine ınfeksııa juqtyrýdyń 30-40 jaǵdaı tirkeledi, bul qalaǵa jasyl aımaqta qalýǵa múmkindik beredi.
Koronavırýstyń jańa shtamyna keletin bolsaq, ol qalada tirkelmegen.
«Búgingi tańda biz Densaýlyq saqtaý mınıstrliginen sekvenırleý nátıjelerin aldyq. Bizdiń qalada «omıkron» anyqtalǵan joq», dedi Jandarbek Bekshın.
Jańa shtamm paıda bolǵannan beri Almaty áýejaıyna «omıkron» tabylǵan elderden 1600 adam keldi. Germanııadan kelgen alty jolaýshyda koronavırýs anyqtalǵan.
Bekshın sońǵy eki aıda koronavırýs juqtyrǵan naýqastardyń aýrý belgileri ózgergenin atap ótti. Eger buǵan deıin «delta» shtamy basym bolsa, qazir oǵan «delta plıýs» nusqasy qosyldy.