Jýyrda Almatyda oryn alǵan jappaı tártipsizdikter kezinde jaǵdaıdyń órshýine qaramastan, qaýipsizdik kúshteri qarý qoldanǵan emes. Bul týraly Ortalyq kommýnıkasııalar qyzmetinde ótip jatqan onlaın brıfıngide Berik Qýanyshbekuly aıtty, dep habarlaıdy Egemen.kz.
«Jappaı tártipsizdikter kezinde qaýipsizdik kúshteri qarý qoldanǵan emes. Bul jerdegi basty qundylyq - adam ómiri. Sol kezde polıseıler oq jaýdyra bastasa, qaza tapqandar sany budan da kóp bolýy múmkin edi. Bul jaǵdaıdy paıdalanǵan terrorıster prokýratýranyń, ákimdiktiń ǵımaratyna basa kóktep kirdi. Prokýratýra ǵımaratyn basyp alý kezinde qyzmetkerlerdiń basym bóligi ishte bolǵan. Olar tez arada evakýasııalandy. Jaǵdaıdyń órship bara jatqanyna qaramastan, qarý qoldanbadyq», dedi Berik Qýanyshbekuly brıfıngte.