Almaty ákimi Erbolat Dosaev polısııa departamentine baryp, quqyq qorǵaý organdarynyń qyzmetkerlerimen kezdesti, dep habarlaıdy Egemen.kz qala ákimdiginiń resmı saıtyna silteme jasap.
Qala basshysy polısııa qyzmetkerlerine Almatyda oryn alǵan lańkestik kezinde qyzmet etkeni úshin alǵys aıtty. Ol polısııa halyqtyń qaýipsizdiginiń kepili, qoǵamnyń qorǵaýshysy, onyń turaqtylyǵy men múddeleri ekenin atap ótti.
«Eń aldymen, qalany terrorısterdiń shabýylynan qorǵap, qaza tapqan polıseılerdiń týystary men jaqyndaryna kóńil aıtamyn. Qańtardaǵy qaıǵyly oqıǵalar kezinde kásibı boryshyn oryndaǵany úshin óz atymnan alǵys aıtamyn. О́lim qaýpine qaramastan, siz qylmyskerlermen kúreste batyldyq pen erlik kórsettińiz. Qalaǵa jasalǵan shabýyl qaıǵyly oqıǵalardyń aldyn alý úshin polısııa qajetti jaǵdaılarmen jáne zamanaýı tehnıkamen qamtamasyz etilýi kerek ekenin kórsetti. Búginde qaza tapqan polıseılerdiń otbasylaryna kómek kórsetildi, zaqymdalǵan ǵımarattardy qalpyna keltirý jáne jóndeý jumystary jalǵasýda», dedi qala ákimi.
Sondaı-aq ákimge jedel basqarý ortalyǵy, onyń ishinde qala boıynsha ornatylǵan 10 myńnan astam beınekamera qosylǵan beınebaqylaý júıesi kórsetildi.
Kezdesý sońynda Erbolat Dosaev polısııa qyzmetkerlerine tabys tilep, olardyń qaýipsizdikti qamtamasyz etýdegi mańyzdy rólin jáne olardyń qyzmetine halyqtyń senimin únemi arttyrý qajettigin atap ótti.