Almaty qalasynyń ákimi Erbolat Dosaev Alataý aýdanyndaǵy problemalyq nysandardy aralady, dep habarlaıdy Egemen.kz.
Qala ákimi eń aldymen Alataý aýdanyna barýdy jón kórgen. Sebebi, aýdan aktıvinde ınjenerlik jelilerdiń, jyljymaıtyn múlik obektileriniń aıaqtalmaǵan qurylysyna, jol jabynynyń bolmaýyna jáne basqa da jınaqtalǵan máseleler bar.
«14-shi aýmaq» shaǵyn aýdanynyń turǵyndary sot josyqsyz dep tanyǵan merdiger «Keregetas» JShS-nen 2017 jyldan bastap sýmen jabdyqtaý jáne káriz boıynsha jumystardyń aıaqtalýyn kútýde. Ásirese, jóndeý jumystarynyń aıaqtalmaǵany saldarynan jol jabynyn qalpyna keltirý múmkin emestigi erekshe aıtyldy. Kóshpeli keńes barysynda qala basshysy máseleni sheshýdiń negizgi kezeńderin anyqtady. Injenerlik jelilerdiń qurylysyn aıaqtaý jáne jol jabynyn qalpyna keltirý bıylǵy jyly josparlanyp otyr.
Megapolıs basshysy «Shańyraq-1» shaǵyn aýdanyndaǵy sýmen jabdyqtaý jáne káriz jelileriniń qurylysymen tanysty. Búginde munda 2460 jeke menshik úı ornalasqan, olarda 21 800 adam turady. Kóshpeli keńes qorytyndysy boıynsha osy jyly О́temisov kóshesine ortasha jóndeý júrgizý týraly sheshim qabyldandy. Shaǵyn aýdandy sýmen jabdyqtaý jáne káriz jelilerimen tolyq qamtý úshin qala ákimi jobalyq-smetalyq qujattamany daıyndaýdy jáne ınjenerlik jeliler qurylysyn 2022 jyly aıaqtaýdy tapsyrdy. Injenerlik jelilerdi tósegennen keıin búkil shaǵyn aýdanda asfalt jabyny qalpyna keltiriledi.
Is-shara barysynda ákim jáne turǵyndardyń bastamashyl toby «Halyqtyq qatysý bıýdjeti» baǵdarlamasy aıasynda qoǵamdyq kólik sanyn arttyrý men balalar oıyn alańdaryn salý máselelerin talqylady.