Búgin Halyqaralyq Túrki akademııasynyń prezıdenti Darhan Qydyráli Túrkııa Respýblıkasynyń tanymal BAQ ókilderimen kezdesti, dep habarlaıdy Egemen.kz akademııanyń baspasóz qyzmetine silteme jasap.
Atap aıtqanda «Hürriyet» gazetiniń sholýshysy Fatıh Chekırge, «Habertürk» gazetiniń tilshisi, belgili saıasattanýshy Kúrshad Zorlý, Túrkııa Respýblıkasynyń Syrtqy ister mınıstriniń baspasóz keńesshisi Armagan Feke, «Milliyet» gazetiniń Ankaradaǵy ókili Dıdem О́zel Túmer, «Türkiye» sholýshysy Merıem Aıbıke Sınan,«Yeni Birlik» gazetiniń sholýshysy Neshe Berber, «Türkgün» gazetiniń sholýshysy Qadyr Iyldyz Halyqaralyq túrki akademııasyna arnaıy kelip, Túrki mýzeıin aralap kórip, uıymnyń atqaryp jatqan jumystarmen tanysty.
Kezdesý barysynda D. Qydyráli túrik jýrnalısterine Túrki akademııasynyń júzege asyrǵan jumystary týraly baıandap, aldaǵy ýaqytta josparlanǵan jobalarmen tanystyrdy. Akademııa basshysy qonaqtarǵa Túrki áleminiń tuǵyrly tulǵalary, ortaq oqýlyqtary jáne «Turkbarometr» cekildi jobalardyń jóninde aqparat berip, túrki ıntegrasııasyndaǵy BAQ róli týraly aıtty.
О́z kezeginde túrik jýrnalısteri Akademııa basshysynyń jyly qabyldaýyna rızashylyǵyn bildirip, atqaryp jatqan jumystary men ıgi bastamalaryna sáttilik tiledi.
Kezdesý sońynda D. Qydyráli Túrki akademııasyna arnaıy kelip, iltıpat kórsetken meımandarǵa alǵys aıtyp, baǵaly ǵylymı eńbekterdi syılady.