«QazAvtoJol» UK» AQ joldaǵy qaýipsizdik úshin janýarlardy úrkitetin «elektr baqtashy» (elektropastýh) qurylǵysyn ornatty, dep habarlaıdy Egemen.kz.
«QazAvtoJol» UK» baspasóz qyzmetiniń málimetinshe, bul qurylǵy janýarlarǵa qaýip tóndirmeıdi. Toq kúshi shamamen 12 volt. Ornatylǵan qurylǵynyń jalpy uzyndyǵy – 25 shaqyrym. Qurylǵy «Dossor-Qulsary-Beıneý-Saıótes-Shetpe-Jetibaı-Aqtaý» avtojoly men «Jetibaı-Jańaózen» tas joly boıynda ornatylǵan.
Al byltyr respýblıkalyq mańyzy bar avtojoldar boıyna 14 dana úı janýarlarynyń mýlıajy (túıe, jylqy) jáne 13 000 metr jol qorshaýlary qosymsha ornatylǵan edi. Mýlıajdar júrgizýshilerge janýarlardyń kenetten jolda bolýy múmkin ekenin eske salýǵa arnalǵan.
Jol qorshaýlary «Dossor-Qulsary-Beıneý-Saıótes-Shetpe-Jetibaı-Aqtaý» avtojolynyń 673-674 shq 400 metr, 709 shq 2200 metr, 729 shq 400 metr, 738 shq 422 metr, al «Beıneý-Aqjigit-О́zbekstan shekarasy» avtojolynyń 51-56 shq 9450 metrine ornatyldy.